inktober 2018

又一年，上個月已經等緊出 prompt，但跟住有事發生，感覺自己冇 mood冇時間畫畫，以為今年會放棄，但尋日忽然有時間，攞起筆畫吓，竟然畫咗兩張。
（係呀，又出貓，唔畫定點得？唔係日日有時間同心情畫畫啊）

又到咗學新 vocab嘅時間😄😄
本來諗住用食物做主題嚟配合個 prompt，上網搵參考唔小心打錯keyword，出咗第二d圖，有張圖好吸引，我想畫，覺得容易畫，於是就畫咗，畫完先醒起：我唔係想畫呢個主題喎.....
好彩只係畫咗兩日，第一張畫咗 mushroom，第二張係竹同石，於是決定將主題改成：大自然。

今年想畫多d彩色，加咗幾枝 kuratake嘅 zig書法筆，其實都唔知用唔用得著，開始畫後覺得唔想好似舊年咁寫字，更加唔會喺黑白嘅畫上寫彩色字啦，好可能都係stick to Copic，全部黑白，睇吓事情自己點發展啦。

copic blend得好好，好容易畫到立體感，不過真係幾貴，單用灰色都可以，一用彩色就會一發不可收拾，咁多顏色咁多 tone，捨得買都冇地方擺。

地板會被書壓垮嗎？- 西牟田靖

喺誠品閒逛，一眼就spot到呢本書，totally strucked by the title，
OMG！真係一個我經常疑慮嘅問題！
屋企有兩個到天花板嘅上牆書櫃，塞到滿滿，我成日好擔心會扯塌度牆，
窗臺都一樣堆滿咗書，我就快睇唔到窗外喇，一直都擔心個窗臺會冧，
啱啱換咗張新床，床嘅底板貼住地面，所以床底嘅書即係直接放地面，如果我相信樓宇嘅樓層結構，都唔會太擔心，但張舊床都唔知係唔係畀堆書壓爛嘅。

雖然係日本書，估計佢都係講日本屋，平房嗰種，樓層之間唔係鋼筋三合土，會更fragile，但無論如何，發現有人有同我一樣嘅疑慮感覺非常良好。





















而家好多書都好重，整到咁重做乜呢？畫冊都情有可原，唔係sell圖像嘅書都用d小小反光嘅紙嚟印，懶係靚咁，其實重不特止，本書仲反光添，睇得好辛苦囉.....

以為自己同作者感同身受，但只係睇序言，就知道係小巫見大巫，寫序嘅黃鎮南，佢有30,000本書！ well....，我得嗰三千零本，真係過慮喇🤣🤣🤣🤣

不過本書講書，無論如何都係啱睇，而且內容講到好多日常生活，好有趣味。

如我所料，作者住嘅係木建築，樓層之間都係木，三十年已經好老舊，會被白蟻蛀、老鼠咬，天氣侵蝕，變得好脆弱。更甚嘅係，原來日本都有豆腐渣工程，佢哋叫『姉齒建物』，源自建築師姉齒秀次，佢偽造文件偷工減料，建築物耐震度不足。（不過佢起嘅單幢住屋，同大陸香港連公用基建都偷工減料始終唔同）

作者兩個書櫃冇上牆，分別貼住兩幅對面嘅牆擺，最近有冧落嚟嘅跡象，於是用伸縮桿撐住天花板。

我覺得，其實咁會增加咗對地板嘅壓力，畀我就會將伸縮桿打橫撑住左右兩邊嘅書櫃，互相扶持。

作者訪問嘅對象都係藏書豐富嘅著名作家，佢哋嘅解決方法都唔係好啱我用。

其中一位，將佢所有藏書數碼化，咁要花幾多錢？但其實已經係比較平易近人，另一位仲厲害，佢買地起咗一間屋，專門用嚟收藏佢 d書😂

～*～*～*～*～*～

23 November, 2024

過咗咁多年，我都仲係冇辦法解決呢個問題，冇本事買間大 d嘅屋安置佢哋，唉。

我已經妥協咗，開始買電子書。電子書，無論買定睇，都同去書店逛，買實體書，攞住本書嚟睇完全唔同，整個氣氛都唔一樣，有 d sad。

不過電子書有一個好處，我食飯要睇住書食，但出街食飯（有時一個人食），張枱唔方便攤開本書，又有時，有 d書係攤唔開嘅，但電子書就方便好多，擺到個電話就睇到書。

堆積嘅書繼續堆積，其實，好多都唔會再睇，但要我掉我做唔到，希望以後有能力 afford一間書房啦。

美國網球公開賽 US open 2018 （27 August - 9 September 2018）

到今日，sf大局已定
對對都打生打死，只有djokovic輕鬆清脆 3-0，
呢個對手排名雖然只係55，但喺R4 以36 75 7(9)6(7) 7(7)6(3) 贏咗federer，
據說佢賽前一段時間係federer嘅training partner，可能熟習咗federer打法，亦習慣咗同佢對陣，所以臨場可以比較鎮定，就好似rafa有一陣同dimitrov練習，每次對上都唔係咁順利。

































ferrer R1 就對上rafa，第2 set就retire，
據說佢唔止retire呢場比賽，係真正嘅retire，不過會稍後公佈。

federer輸俾millman，好沮喪嘅樣，感覺佢開始真正嘅沒落。
留意佢面前嘅風扇，就係rafa曾經request但得唔到嘅風扇，
每一個field都唔會絕對公平，但rafa都係最top嘅球員，仍然喺各種情況下被壓住，唔係好明點解。
據說，據說，djokovic因為國籍關係，更成日被歧視。

講番rafa，佢第一set食咗蛋，好驚嚇。
睇吓 ace數，no easy point，
winner / ue  差過thiem，
總得分都比對手少，
全場打咗4個多小時，筋疲力盡咁嘅樣。

semi final
nadal vs del potro
nishikori vs djokovic

估計nishikori贏唔到djokovic，
rafa贏唔贏到delpo？我唔係好有信心，當然我仍然帶著期望啦。

~*~*~*~*~*~*~
semi final


juan martin del potro
佢對上一次贏rafa已經係2016，對上一次輸就係 2018 wimbledon。
但畢竟係前冠軍啊，同rafa一樣，冇傷喺身係好勁架，而rafa呢，就好似膝傷復發。

果然，rafa因為膝傷，比賽到第2 set 57 26 嘅時侯退出比賽。
膝傷，真係纏繞住佢整個運動生涯，好似話係先天膝部結構有問題，
就算唔係，以佢嘅打法，多而快嘅跑動，高速跑動中dup停，對膝頭真係好大傷害。



~*~*~*~*~*~*~*~

final

del potro vs Djokovic

邊個贏都好啦，不過delpo贏對rafa 有利d。