畫畫 – 日落（水彩）

又係日落😁，因為日落顏色靚。

不過我喺天空嘅用色都好輕手，因為前景顏色濃烈，唔想成幅畫變得好雜亂，而家雖然山同天都比較淡，但我覺得幾好。

落日嘅光都係唔夠光，佢前面個山係唔係唔應該光到山腳？

中間嗰層橙色樹幾好呀，畫得到想要嘅顏色，同埋有光嘅感覺。不過右邊嗰棵高樹真係敗筆，好似左邊咁畫咪好囉，明明都已經畫咗左邊先，右邊照畫就好，無端端去染咗一撻橙色，搞到成個位暗晒、樹型都怪咗。😠

不過，前面塊地先係最失敗。本來係鋪滿蓬鬆落葉嘅地，我畫到似踩實咗嘅泥地。

前景嘅樹算夠深色，整體都分到前中後三層。👏

Schmincke on Saunders Waterford 190g rough 7.5"x5.5"