水彩班 – 玻璃樽

今堂呢個樽複雜過上一堂個玻璃杯好多。

我諗我畫畫真係太慢，次次都堂上畫唔完。

返到屋企先發現自己真係畫得太細（而家梗係簡化返啦），樽裡面好多嘢阿 sir簡化咗，但我睇完示範返埋位，畫畫吓就唔記得要簡化，而係跟咗個圖慢慢雕琢，唉，唔係豪邁嘅人真係冇辦法。

Cotman on Saunders Waterford 300g cp 8" x 12"

我本來最擔心係樽蓋個玻璃球畫得唔夠圓，枝筆一歪就冇得救，好彩順利畫好。

樽底透光位怪怪哋，好似個樽穿咗咁。

阿 sir話有 d位要鬆返開，即係個邊要模糊 d，不過我唔想干擾到個背景，唔鬆喇。

好小心咁起稿，結果完成咁幅畫先發覺液體嘅弧度同個樽唔夾😌

呢幅都畫得幾沮喪，風景真係最 forgiving。