用黑白都分得出三個雪糕球同sauce,杯底嘅sauce都幾sauce樣,garnish都畫得似樣。
當時冇諗到,d sauce流多d、雪糕溶少少會似d,而家有少少生硬,不過都不失為一杯好靚嘅parfait。
個人仔嘅姿勢都ok自然,條繩嘅鉛筆稿自然好多,正式畫冇得改就緊張,隻手硬畫到條繩都硬埋。
用黑白都分得出三個雪糕球同sauce,杯底嘅sauce都幾sauce樣,garnish都畫得似樣。
當時冇諗到,d sauce流多d、雪糕溶少少會似d,而家有少少生硬,不過都不失為一杯好靚嘅parfait。
個人仔嘅姿勢都ok自然,條繩嘅鉛筆稿自然好多,正式畫冇得改就緊張,隻手硬畫到條繩都硬埋。
呢兩日都難畫,畫咗三個星期,真係有小小攰,不過好開心可以支持到而家。
個表情都畫得幾好咁喎,日日畫真係會有進步㗎。本來想畫埋個盛怒嘅媽媽,但安排唔到位,而且都好難畫得似,本著less is more嘅精神,希望圖畫同文字交代到啦,不過唔知會唔會冇人誤會個細路女係媽咪啦。
畫完見兩朵花都灰灰咁,輪廓模糊,本來想直接用staedtler fineliner 上色,但顏色太實同鮮艷,諗起youtube見過有人加水暈開,就試吓。
畢竟佢唔係水彩,好快乾,要好快加水先暈開到少少,如果張紙靚d效果可能會好d,而家張紙濕咗霉霉哋,效果唔係幾好。個太陽係參考pokemon嘅Haunter。
d熱焰係咪唔應該全部都內則深色?而家好似個cone包住粒黑波咁,而且太多黃色,應該多番d橙色,不過唔改喇,張紙會受唔住。
Staedler triplus fineliner and Copic Marker on paper |
小學美術堂,老師出咗個題目:『一條好大嘅魚』,
我好蠢咁用盡張紙畫咗條魚,仲以為自己好鬼醒。後來見到有同學畫咗隻好細嘅鑊,煮緊一條好大嘅魚,從比例上睇出條魚嘅大。
(小學二年班,點解同學咁叻嘅?)
呢件事我一直都冇忘記,原來事情可以咁樣睇,道理明白咗,亦記住咗,但我都唔知自己有冇曾經運用到呢個經驗,anyway,今次用啦。
影相都係唔夠光,白色底影出嚟唔係黃就灰。
Copic Marker on paper |
唔識嘅字梗係google吓啦,搜到全部都係貓頭鷹,見造型幾可愛,而且我一路都想畫吓貓頭鷹,咁我就住screech呢個字,畫咗個貓頭鷹合唱團,應該都幾噪音吓。
後來再查吓,原來係一個叫screech owl嘅品種,我都唔肯定自己畫出嚟仲係唔係呢個品種添...
Copic Marker on paper |
總係畫d咁簡單嘅嘢,其實算唔算畫畫呢?
Staedler triplus fineliner and Copic Marker on paper |
係唔係藝術都唔緊要,我只係想將想像中嘅場景畫出嚟,好似今年inktober我d畫多數都係有小小fantasy嘅感覺,修為有限,只係畫到好簡單嘅構圖,但比起以前完全表現唔到角度距離立體,我覺得已經進步好多。
我平時睇書會喺腦裡面浮現出情節中形容嘅畫面,
有d會令我好想睇到佢變成實景,但點可能?退一步想,我會想睇畫出嚟係點樣。
第一個係『最後的精靈』條龍住嘅山洞,
第二個係『魔幻城堡』中豪爾搬城堡嘅場景,呢個會更難,因為係動態,
仲有一個都係『魔幻城堡』,蘇菲同馬克喺避難港捉流星。
希望好快可以畫到啦,暫時都係塗住鴉先。
d有毒物質畀我畫到成張氈咁....,不過,毒就係咁實在架啦!
背景d小旋渦大小同位置太工整,
個甕好平板,甕身同底好似太黑實,但冇理由嗰度光喎....冇referecne唔知點算。
Staedler triplus fineliner and Copic Marker on paper |
影極都光暗唔平衡,個tone一邊偏黃一邊又偏藍,相信因為平時幅畫彩色所以唔覺,一影黑白就唔妥,影咗n張,全部都唔係好得,算啦,揀最好嗰張就算喇,唔通仲打燈咩....
Staedler triplus fineliner and Copic Marker on paper |