11月19日，喺 Davis Cup quarter final，Rafa正式退休喇。
 |
因為場地喺西班牙，全程都用西班牙文，完全唔知佢哋講乜。只見到 Rafa好 emotional，場地播番 Rafa以往喺 Davis Cup嘅片段，片段裡面嗰個十幾歲嘅少年，神采奕奕，信心滿滿咁打出自己一片天地，咁快過咗二十年。二十年喺職業網球已經算好長，尤其呢二十年職業網球比以往更激烈。
呢幾年見到佢嘅姿勢都睇得出佢時時喺度痛緊，成個 posture都同以前唔同，我覺得big 3之中佢老得最快，因為佢同 del potro一樣 keep住都在傷、痛中。
我諗我係一個勝利球迷，唔想見到佢輸，有時我會諗，當佢輸嘅時候，場場比賽都同佢一齊嘅家人要點安慰佢？應該做乜、唔應該做乜？分享勝利容易，分享失敗就唔容易，尤其你只係密切嘅旁觀者，教練可以同佢檢討、分析、重訂以後訓練、其他各有職司嘅都可以用自己嘅專業位置表現佢哋嘅安慰，但家人，可以做乜？我係平凡人，身邊都係平凡人，冇乜大喜大悲嘅經歷，可能佢哋見慣風浪自然識面對啦。
喺職業網球嚟講佢算老，但做番一個普通人，佢仲好年輕，仲有好多嘢可以做，佢會唔會轉向 golf發展？
職業生涯最後一次向球迷揮手致意👋👋👋
V A M O S R A F A ！！！
有一次，Djokovic話 Rafa每次復出都掃晒 d獎項，不過我諗今次唔得喇。估計明年係佢嘅告別巡迴，佢舊年養傷時都話，退休要喺球場上，唔想傷咗順勢就唔再打波，默默咁退休。
一個東征西討咁多年，贏過咁多比賽，以 fighting spirit聞名嘅球員，點可以隨便咁喺屋企發份新聞稿宣布退休？點都要再去好好咁參與每一個賽事，好好咁同每一個球場告別。
最終告別賽會喺邊個球場？最有意義應該係 Roland Garros，但六月會唔會早咗少少？其實我唔希望佢參加 FO，唔想佢最後都要喺 FO輸，但告別巡迴又點能夠 skip FO呢⋯？😄點解我會覺得佢實輸？可能佢贏多次呢😊～
如果唔係 FO，咁就應該喺 Wimbledon， 四個grand slam集齊。
唔會想喺最冇意義嘅 year end final啩？拭目以待。
Rafa今年好多傷患，但又好神奇贏咗 ao同 fo，大家都等住睇佢贏唔贏得埋 Wimbledon嘅時候，佢退出咗 semi final，因為腹部肌肉撕裂咗，早幾年有球員都係咁，運動去到呢個 level已經唔係健康嘅事情，反而變咗消耗健康。
佢嘅退出引嚟好多評論，有人話佢扮傷，因為知道打唔贏 Kyrgios，are you kidding？首先，rafa唔會因為驚輸退出囉，佢都輸唔少次啦，第二，雖然 Kyrgios最近好似忽然發奮，但 rafa都唔一定輸。
佢喺4th round對 fritz嘅時候痛起上嚟，call過 medical timeout，最後撐住打到第五局終於 tie break贏咗，於是好多人批評佢『自私』，認為佢應該當場退出，畀 fritz出線打 semi final，😂it's wholly ridiculous，一個球員堅持打完場波唔係叫體育精神咩？退出為咗畀對手可以出線唔係叫『打假波』咩？
其實我都好不爽 Kyrgios可以咁順利就行咗入 final，但唔可以咁去計算，而且一場比賽嘅勝負除咗影響排名，仲影響收入，點解 rafa要無端端成全人哋呢？
今年 Wimbledon除咗呢個退出風波，3rd round比賽中途叫咗對手去網前，話對手打完個波先嗌影響到佢，都係幾奇怪，因為規矩係雙方唔可以喺比賽中對話，rafa打咗咁多年波點會唔知？
我估佢對呢次比賽真係非常著緊，到咗不容有失嘅地步，可能係諗住咁難得贏到 ao，試吓衝番次 calenda slam，又可能係自知隨時都有可能退休，今年可能係最後機會攞多次 Wimbledon啦。唉，所以打到去 semi final要退出真係好 frustrated。
佢曾經講過，退休後先會結婚，因為希望可以時時陪住小朋友，唔想掉低佢哋出去比賽，但佢早兩年都結咗婚，今年，仲宣佈就快做爸爸，加上佢身體各種傷患愈發嚴重，相信真係係時候退休喇，但我估佢又唔會想早過 Federer，都唔係 gs數嘅問題，而係咁會畀人落實佢打法令佢唔打得耐，雖然佢都已經比預期打耐咗，但睇吓 Federer同 Djokovic，人哋都仲打緊喎，而家退休又會畀人講。其實，好似得 Federer唔會畀人講咁，Djokovic畀人講得仲多，btw最近睇咗 d clips，佢 d behaviour又真係幾差，唔怪得咁多人唔鍾意佢嘅。
至於 Wimbledon，Djokovic vs Kyrgios，邊個贏都係咁啦，唔想 Djokovic追近 rafa，又唔忿 Kyrgios攞到 gs，有人話希望 nobody wins，有人同我一樣嘅諗法：Wimbledon is ended when rafa is gone，😂
希望佢今年打到 us open啦，如果唔係又畀 Djokovic攞埋。
～*～*～*～*～*～
都話佢哋似㗎啦，可能喺某個時間點互換咗。
尋晚 YouTube忽然彈咗條片出嚟，係 del potro宣佈退休😧，感覺有 d突然。
其實佢退休都應該㗎喇，呢兩年都因膝傷比唔到賽，感覺突然係因為早兩日先睇到佢話準備好復出啫。
不過佢喺 press conference話，嚟緊嘅比賽 rather than話係復出不如話係告別😔
告別賽係啱啱開打嘅 Argentina Open，一個 atp250 嘅賽事，佢覺得喺自己國家、自己嘅同胞面前告別最適合，不過我就覺得少少遺憾，希望佢嘅告別賽有更多 atp高手嘅參與，but anyway佢本人嘅感覺先係最重要。佢第一圈比賽對手咁啱都係 Argentine，應該係巧合，抽籤㗎嘛，好有可能第一場已經係最後一場，早幾日見過一段練習嘅片，見佢都唔係活動得幾好。
佢喺個 press con喊咗啊，我都睇到喊，真係好傷心，he has been training in his whole life for this sport，最後喺咁嘅情況下退休，好似浪費咗一生咁。幸好，喺佢比較健康嘅日子，佢都攞過 us open，有一個 grand slam都算對佢嘅努力同運動生涯有個交代，大部分球員一生都攞唔到一次。
btw，你諗吓，rafa，Federer，Djokovic加埋攞咗 61個 grand slam，超過 15年嘅總和，期間只係漏咗幾個出嚟😂，攞到嗰幾個真係好犀利，不過又btw，我一向唔覺得 Wawrinka有幾犀利，但原來佢如果攞埋 Wimbledon就有埋個 career slam，真係唔覺唔覺咁⋯😂
講返 delpo，佢喺咁嘅情況下，都可以喺同一賽事贏到 rafa同 Federer攞到 champion，更加覺得佢嘅生涯係幾咁令人婉惜。
我總係覺得太高唔適合打網球，應該話除咗打籃球，太高真係唔好，關節同骨好似會脆弱 d咁，尤其係太瘦嗰 d，好似 Medvedev，應該多番 d肌肉幫手 hold住關節。
不過 back to real life，33歲仲係好年青，仲可以做好多嘢嘅，wish him all the best。
~*~*~*~*~*~
最後一場成積，16 36
賽後訪問，佢話：I gave it everything until the last point, and today I wish sleeping without pain in my legs.
Rafa 終於贏咗今年 ao，26 67 64 64 75，對手係 Medvedev。
佢舊年又做咗手術，似乎好嚴重，嚴重到諗住：『真係回復唔到狀態就退休啦』，甚至champion speech佢都話今次可能係佢最後一次嘅 ao。捧杯畀記者影相嗰陣，佢落個台下面，其實個台好矮，但佢落地嗰吓痛到面容扭曲。
同 2009一樣，打足五盤，五個半鐘，當年又係膝頭痛住嚟打，ao對佢嚟講真係太難。
冇留意其他比賽係點，但每次睇 ao頒獎總係見到球員要企喺班 committee同 guest後面等佢哋講一大餐，都唔諗吓球員經過幾個鐘劇烈運動需要休息，仲要即刻冇得舒緩就咁企定定，做過運動都知咁好辛苦，有一年 rafa同 djokovic攰到忍唔住原地扭擰，坐喺個網邊度借力，好彩後來都有人搬兩張櫈畀佢哋，今年 rafa企企吓都有人送櫈過去，好心一早準備定啦。
辛苦成咁，要幾強嘅意志先可以由落後兩盤堅持到贏咗？佢好似年年都要做手術咁，可能真係應該退休喇，三個之中，佢真係比較多傷，好早好早已經有人話佢嘅打法唔會打得耐，佢就反駁話：『你哋都睇到我仲打緊』，的確係，都三十幾歲，已經比早一輩嘅球員都堅持得耐，仲（好似）年年都攞到 grand slam，但若然同 Federer, Djokovic相比，尤其係 Djokovic，年紀、獎項相約，但感覺 Djokovic比 rafa健康，而 rafa個樣，唉，殘到呢⋯
不過佢哋一日仲打到波，應該都唔會想做首先退休嗰個，一退休各種數字都會畀人拋離，會受不了。
究竟 nike點諗到咁肉酸嘅 design同顏色嘅呢？
冇留意網球好耐，如果唔係週圍都講緊呢件事，都唔記得又到咗澳網嘅日子。
Djokovic會唔會係畀呢個 pandemic影響最大嘅網球員呢？舊年佢班機有 confirmed case令佢要隔離 14日，今年更嚴重，佢冇打疫苗畀澳洲政府驅逐出境（deportation），衞冕唔到，失去咗攞第10個 ao，第21個 grandslam嘅機會，仲好似話三年內都唔畀入境，omg！
有冇可能連法國、英國都唔畀佢入境？ 雖然大家都明知疫苗根本追唔上變種，但各個政府都係咁迫人打疫苗，佢會唔會為咗參賽屈服？
聽聞佢已經感染過兩次，都仲身壯力健，似乎隻病毒嚟到呢個階段，都係好似感冒咁啫，仲有冇需要咁緊張？其實好多國家都畀某d人士 exemption，譬如西班牙，如果個工作冇呢個人開唔到工，就可以豁免，而運動員係其中一種。（喺網上報導Djokovic新聞時睇到，冇FC過）（nicole kidman都係咁嚟咗香港啦，不過澳洲人出嚟抗議，個政府又聽啫）
我覺得佢衰在太高調， 攞到 visa靜靜地入境打波就好啦。
但又牽涉到有虛報，去過西班牙又冇報，hpmmp⋯，
要四圍去、接觸好多人嘅人係好難避免各種世俗嘅規範，雖然我唔係鍾意佢，但都支持佢堅持自己嘅信念。
佢2020個 event又真係幾錯嘅，疫情剛開始，大家都小心翼翼，fo改期，Wimbledon直情取消，佢仲咁大膽嚟個 adria tour，無論有冇出事，都係引火自焚。
～*～*～*～*～
今年 ao冇 Djokovic，rafa會唔會有機會？唔知佢恢復到未，但Medvedev、tsitsipas都係好強嘅對手，冇 Djokovic，都唔一定到 rafa。
Federer仲養緊傷，好似話連 Wimbledon都唔知去唔去到，嘩，好嚴重喎。
所以最有機會突破 20 GS嘅就係 rafa喇，經過種種事情，我對 rafa已經冇咁熱衷，不過睇到有人創造歷史都係好激動人心嘅。
Roland Garros為 Rafa造咗個 statue擺喺一個新落成嘅公眾入口。
好多人都話唔似，我都覺得係，個表情同 pose都唔係好典型嘅 rafa。
rafa擊球最經典梗係手繞過頭嘅動作啦，而面部最唔似係口型，而且口同鼻距離大咗，我畫開畫就感覺到，五官位置差好少好少就會好唔同，你諗吓拉面皮都係話提升 2mm就後生十年😆 ，而家似federer多 d，rafa喺場上表情冇咁柔和。
federer喺 r4退出咗，佢去參與吓嘅啫，佢都話 grass season先係佢嘅球季開始。
好 surprise，thiem第一 round就出咗局，聽講話佢自從舊年贏咗 us open之後就一直不在狀態，希望佢唔係贏到 grandslam有咗壓力啦。
好似 naomi osaka咁，今年退賽，因為接受唔到賽後訪問時記者問嘅問題，原來佢有抑鬱症。好多我哋睇嚟好成功嘅人，處理到外界一切挑戰，但處理唔到自己，會唔會佢哋對外已經 exhaust咗，所以發生情緒問題？
今年 big3喺晒上半，因為有一個 medvedev係 2nd seed，但佢喺 qf輸咗畀 tsitsipas。
所以呢，quarter final將會係：
不過 rafa都算好彩，semi final輸咗匆匆幾句就走得，輸 final仲要留喺場內等 setup 場地頒獎，個個記者會 zoom in等佢喊，等佢崩潰。
不過體能對戰就係咁，全部眾目睽睽之下發生，諗番佢都畀過 federer好幾次咁嘅經驗。如果好似borg 同 sampras急流湧退就唔使面對呢 d，…不過情況又唔同，佢兩個當時已經無敵係最寂寞，諗住後無來者，所以瀟灑咁離開，可能見到 big 3攞到第十個 grandslam已經後悔，早知攞到時就攞多幾個傍身。
贏咗第一局後連輸三局，乜事呢？
Anyway，冇人會只贏唔輸，今次輸，下次贏番。
V A M O S R A F A ！！
Rafa宣佈咗，"after listening to my body" 唔會參加今年 wimbledon同埋 olympics。
要啦，輸 fo真係一件值得深究嘅事。
V A M O S R A F A ！！
因為 pandemic嘅關係，今年參加 ao嘅球員要坐大會指定嘅幾班機去澳洲，仲要先去 adelaide 隔離14日，然後轉到 melbourne比賽。
14日要全日留喺房，每日只有兩個定三個鐘可以出去練習。
其中有一班機好似有 confirmed case，搭呢班機嘅球員（同 entourage？）隔離得更徹底，完全唔可以離開間房，所以球員都好不滿，又係嘅，有乜可能 grandslam前14日唔練波？之前喺instagram 見到好多片見球員喺房對牆打波，我仲以為係 d咩 challenge，後來先知道就係呢班球員無可奈何咁想辦法練習。
djokovic真係唔好彩，佢就係搭呢班機。
adelaide係唔係一個冇咁先進嘅城市，酒店冇咁好？有球員房裏面有老鼠，instagram睇到，仲要肆無忌憚，日光日白都走出嚟，好得人驚，真係想像唔到酒店會有老鼠。
anyway，都過去喇，大家都完成咗 quarantine，比賽順利開始咗，到今日已經完成咗 fourth round，明日就要開始 quarter final喇。
賽事已經去到 quarter final，打完 3rd round，djokovic表示佢受傷可能唔可以繼續比賽，不過，最後佢都比賽到，仲贏埋添。
好多人話佢做戲扮受傷，但佢呢個 tour真係唔係好順利，除咗 round 1 3 set straight，round 2-4都要 4或 5 set，
反而 rafa一直都係 3 set，一 set都冇失過，
咁嘅狀況……，今年有冇可能贏到呢…？
~*~*~*~*~*~*~*~
quarter final
head to head 6-1，tsitsipas贏嘅一次竟然係 clay court，2019 madrid，咁神奇？
rafa贏嘅六次，有四次 hard court，雖然比賽係一次還一次，但睇到咁嘅往蹟，作為一個唔識打網球嘅 fans就放心好多嘞。
兩 set打到 tie break，djokovic好似真係受咗傷，有一場見佢搽藥膏喺個肚度，😕肚仔痛…，拉傷腹肌？
下半遲一日打，又嚟！少一日休息😠😠😠
兩個 russia 球員
OMG，贏兩 set先都輸，可能係第一次啊😔
仲諗住今年又有突破。
呢個 title真係影響咁大咩？
2019 atp final，rafa同 djokovic都喺小組賽被淘汰，
最後贏嘅係 tsitsipas，佢全年只係贏咗一個 atp 250，
個 title有乜重要性同代表性？
tour final會重要過 davis cup同奧運？
為咗見證呢個歷史時刻，開定個 post等。
喺 atp個 site睇到，暫時得七個球員入到呢個決賽，但 federer退出咗，得番六個，
djokovic
nadal
thiem
medvedev
tsitsipas
zverev
第八個入圍嘅係 schwartzman。
今年分組係 Tokyo 1970 同 London 2020，係唔係有典故呢？
Zverev, Schwartzman, Rublev, Tsitsitpas已經各輸一場，我覺得，輸得一場，應該都冇乜希望出線。
19 Nov, 2020
今年都好似冇乜機會😒
Vamos Rafa ！！
thiem真係輸一場喎，
WL一樣，sets一樣，rafa贏嘅 game gross 同net都羸 thiem，
係咪即係出到線？
既然 rafa出到線，就要關心吓另一組，
不過我都係唔識睇，但無論如何唔會係 schwartzman，
其他三個都仲有機會，等打埋最後一場。
咦！英國唔係 lockdown咩，點解可以比賽？
噢，原來每組兩個出線，第二輪係
節奏好快，呢兩日就會完成個 tour，希望 rafa今年有突破。
Rafa 同Djokovic都喺 semi-final輸咗，決賽係 thiem vs medvedev，而 medvedev仲贏埋個 final添，佢 2020就只係贏過一個 master 1000，year end final呢個 title真係有代表性咩？
今年乜都亂晒，french open調咗嚟十月。
我一直都覺得 us open 同 australian open都喺炎夏，成 40度，點解唔互換日期，等 d球員唔使咁辛苦？
原來凍仲唔好，rafa話好唔習慣，因為佢哋雖然係運動中，身體會發熱唔覺凍，但到 break同埋準備接發球時係比較靜態，會好凍。
我諗，成身汗，會更凍。
今日稍後就係 semi final，
djokovic vs tsitsipas
rafa vs schwartzman
thiem 喺 QF輸咗畀 schwartzman，唔知係唔係喺 us open exhaust咗，兩個 gs好似只隔兩星期。
hmph...，我唔係覺得 schwartzman會贏到 rafa，但係...hmph...rafa每次贏完佢都會損耗好大，今次final對手係 djokovic喎（tsitsipas會贏到 nole？ someday, but not today囉），半個 rafa夠唔夠贏？雖然係 clay啫.....
Vamos Rafa ！！
~*~*~*~*~*~*~*~
djokovic 嘅教練，ivanisevic，話 "rafa has no chance against djokovic in these conditions"，咩 condition？就係凍、濕、天陰，同埋閂咗頂棚，係真，我都覺得唔係 rafa鍾意嘅場地條件，但講到 no chance好似過火咗。
結果，rafa第一局就送蛋，and then，60 62 75贏咗佢第100場 rg victory，第13個 fo champion，第20個 gs，it's amazing！！
最後一分係個 ace，毫無準備之下就贏咗，結果，贏嗰一刻 kinetic energy唔夠，冇奔跑中掉拍、冇大字型融入泥地、冇掩面翻滾，只係跪地傻笑，勝利嘅激情渲洩唔到啊~~
觀眾太少都係一個因素，現場感覺冷清，冇萬人哄動嘅歡呼聲，真係欠咗 d激情。
呢套衫…，成套天藍色，無論顏色同款式，都好似幼稚園運動衫咁，配合埋佢今年咁特色嘅慶祝動作，真係天衣無縫。
唉，終於，gs數同 federer一樣，我一直都相信佢會超過 federer，始終佢比 federer細五年，只要冇傷到要退役，一定可以。djokovic先係最大對手，雖然 rafa有 rg，但 djokovic喺 ao都好無敵喎，仲未見有人對佢有威脅，反而，thiem係好有 potential挑戰 rafa嘅 clay。
我覺得 rafa總係唔好彩，佢頭十年要挑戰 peak嘅 roger，到 roger開始放慢，djokovic又愈嚟愈強大，仲要好似好克制到 rafa咁，所以畀人話佢冇一個統治時代，唔算係 goat，但我就覺得，佢簡直係一個承先啟後嘅存在，冇佢，未必有咁熱烈嘅十幾年，federer可能早就退休，djokovic未必會被啟發到原來球員係冇極限，well，anyway啦。
djokovic係唔係同 line judge有仇？佢4th round接波時又撥咗個波打到個 line judge，呢次好明顯係失誤，個 judge話冇事，好似冇罰到。唉，小心 d啦，我成日都覺得場邊嘅工作人員好危險，尤其是係 wimbledon嗰兩個網邊 standby嘅小朋友（我唔肯定係唔係 wimbledon先有呢個位），其實係唔係應該加少少防護呢？起碼加個眼罩吖，打到眼都唔知點算。
今年轉咗個波，多數球員都唔鍾意，重咗又慢咗，djokovic都係咁話, 不過佢好理性咁補充：『都可能係天氣因素影響。』佢講嘢總係咁得體，點解都好似成日畀人針對嘅呢，定係因為成日畀人針對，所以講嘢盡量小心？不過，佢講得有道理，nytimes問過熱力學教授，溫度係會影響個波嘅 performance。wilson話呢款新波係特別為 rg場地設計，哈哈，真係唔好彩，當時都唔會諗到比賽會推遲半年，天氣完全唔同晒。咁多人唔鍾意，但 zverev就話好鍾意，仲話之前用開嘅 babolat係 worst of all times添😖
今年，真係特別，wimbledon取消咗，us open 同french open改期改到接住打，atp final暫時冇變，rafa會唔會參加？其實我只睇過佢一次打 atp final，究竟佢係唔係年年都去，定係真係冇去？ 我覺得呢個 final係 atp為咗賺多一輪錢諗出嚟，經過一年比賽，ranking score已經係 final啦，點解前八仲要比多一次？排第八嗰個贏咗係唔係代表佢係呢年嘅 best？可能佢一個 gs都冇喎，可能佢呢年贏得最少，只係呢場贏呢？it's ridiculus！
anyway，希望明年一切 on track，如無意外，七個月後，又有另一次 french open，真係奇妙😂
V A M O S R A F A ！！
~*~*~*~*~*~*~*~
FO 結束後冇幾耐，出現咗一個笑話，
federer : novak, I tell you a joke
djokovic : what?
federer : roland garros
djokovic : i didn't get it
federer : yes, you didn't get it
使唔使咁 mean？
atp對裁判、司線員同球僮都好保護，球員對佢哋有任何 abuse嘅行為都唔會有好下場，
其實都唔係第一次有球員打到司線員，不過如果係意外都唔會有乜處罰嘅，
要罰都係罰錢，最多罰分，但直接 disqualify就好嚴重喇。
所以，呢次佢哋應該係認定係蓄意，唔係意外。
佢落後緊，剛被破發球局，輸多一局就輸一set，唔通咁就認為佢係處於一個會發脾氣嘅形勢？
佢又唔係未輸過，會因為咁發脾氣打人咩？
而且，如果真係發脾氣，佢可以 smash racket呀，又唔係未試過，使乜拍波呢？要就住就住咁。
（我真係感同身受架，細個時，媽咪叫我洗碗，我唔想，俾佢鬧完都係要洗，唔小心跣手打爛隻碗，佢就一口咬定我係發脾氣，好無奈）
Nevertheless, rules are rules, 佢亦唔係第一個因為咁被 DQ嘅球員，只能怪自己太輕率，嗰一刻專注咗喺自己嘅情緒，冇留意週圍嘅人。
不過咁，19 French Open， federer vs nadal，
federer輸到第三 set，將球向觀眾席打出，好明顯係刻意，雖然係下手，但力度唔細，嚇到前排觀眾縮埋咗。
聽聞佢冇被 DQ，連罰款都冇，只係口頭警告，點解嘅？
因為冇打到人？
因為被攻擊嘅唔係 officials？
規則呢？規則呢？
djokovic呢半年好多是非，聽聞 adria tour爆出武漢肺炎感染事件，然後佢又籌組緊一個新嘅球員工會，幫 low ranking球員爭取福利，但唔係好受歡迎，rafa同 federer都唔支持，atp就更加唔會支持啦，即係利潤要分多份俾冇號召力嘅球員喎。
我唔知佢個新工會實際係點，但佢話係幫低層爭取福利，都算係有心人，因為以佢嘅地位，atp唔會虧待佢，有新工會仲可能會分薄咗佢嘅既得利益添。
對於 rafa 同federer嘅冷待，我覺得有 d…唔可以話係失望嘅，but raised my eyebrow when I heard this，『點解佢哋唔支持呢？』
要既得利益者出嚟為底層嘅同業發聲，係多麼難嘅一件事，hmph，佢哋仲話要 "unity, not separation"，我覺得係轉移重心囉，ok，你只係唔想造成分裂，咁是否認同為低層爭取呢？可以提出 alternative嗎？定只係簡單咁用 unity嚟擋開一個尷尬場面？
世事，總係咁相似，都係依住一個利害關係發展，既得利益者總係企喺掌控者嗰邊，就算旁人睇起嚟佢都已經賺到盡，甚至同掌控者嘅從屬關係其實已經逆轉，佢哋都係唔想發生任何變化，因為佢哋想繼續賺，而提出改變嘅人就會被視作罪人。
其實，atp同其他利益集團唔同，商業利益可以無止境咁賺落去，但fedal仲可以喺 atp體制內賺幾多年錢呢？都就退休啦。
本來我都高興佢攞唔到第18個 grand slam同 rafa拉近距離，但講到嚟呢度，I'm not so sure。
我變咗 nolefans？唔係，我對佢冇反感，但始終有保留，我都唔知乜嘢原因。
Team Europe
|
rank
|
Team World
|
rank
| |
Nadal
|
2
|
Isner
|
19
| |
Federer
|
3
|
Raonic
|
25
| |
Thiem
|
5
|
Kyrgios
|
27
| |
Zverev
|
6
|
Fritz
|
30
| |
Tsitsitpas
|
7
|
Shapovalov
|
34
| |
Fognini
|
11
|
Sock
|
210 |
jack sock因為傷咗一排所以排名跌到咁低，受傷前都曾經去到前十嘅。
睇吓 ranking，完全係大蝦細嘅感覺，點解兩組要咁分呢？跟排名梅花間竹，實力平均 d仲好啦，就叫 team odd, team even囉😂。
少少奇怪今年仲會有 kyrgios，佢整個態度同受喜愛程度都唔適合呢種 event，我以為會有 Medvedev 同 dimitriv 又冇喎。
唉，今年對乜都冇興趣，us open都冇心機留意，rafa贏到第19個 grand slam我都開心嘅，同 Federer只相差一個，好大機會超過佢，goat之爭有好大變數，如果 Federer 37歲仲贏到，難道 rafa33、34會唔得？佢有 French open，最多兩年就可以超越 Federer，federer…走到盡頭喇，佢體力差咗，冇以前咁容易佔優勢，佢要打順風波，如果落下風好多時都沉唔住氣（冇數據支持，不過佢一般係接受唔到落後，好多次開局落後就草率咁輸咗場比賽，因為唔想面對）（但都記得08 Wimbledon落後兩局一路追到平手，到第五局仍然一路下風，仍然一直堅持，但我認為嗰次係因為 Wimbledon 同 rafa激起佢嘅鬥志，佢唔想畀rafa喺佢最有把握嘅地方贏到佢。），覺得佢再贏到 gs嘅機會唔大。
