水彩班 – 風景

呢個星期終於再去上堂

Cotman on Saunders Waterford 300g cp 15" x 11"

又俾留白膠 trick咗，捽唔甩晒，留咗少少膠喺個太陽度。😑我個天已經太黄個太陽唔係好出（有加紅色，乾咗唔見晒），而家仲有埋太陽黑子😂，激死。

前面個山太黑，光位唔夠，中間嗰層山又唔夠深色。點解畫嗰時睇唔到嘅呢？

呢幅畫最難係水面暗位同光位嘅接合。我本來都做得幾好，但後來再加波紋加到一塌糊塗。

我哋個個都將水上面嗰 d屋畫得太清楚，連透視都做埋😂。阿 sir三幾筆就畫到好有深度。阿 sir提我哋，屋簷下要深色，屋頂要淺色，⋯打字到呢度，我發現我唔記得咗屋簷下嘅深色😒。

又係落堂都未畫完，記住咗好多位要返嚟執，但係第二日攞返出嚟繼續時，已經唔記得晒。就咁啦。

我雖然自己幅畫都未畫完，但都走去睇吓阿 sir幫同學修改，阿 sir而家改畫唔係點講嘢，手起筆落就改，有時睇住都領悟唔到改嘅重點係乜😪，淨係睇到佢好揮灑咁改到幅畫好靚😂，⋯或者，畫嘅主人都心中有數嘅，唔係都問咗啦。