11月19日，喺 Davis Cup quarter final，Rafa正式退休喇。
呢場係對 Netherlands，Rafa輸咗，西班牙都輸咗，入唔到 semi-final。
呢場比賽喺 Malaga舉行，係巧合定係特別安排？咁啱喺自己國家，好適合宣布退休。
完場後，Rafa向觀眾告別，
 |
好幾個球員拍咗 video表示祝福，包括 Federer，我曾經以為佢會親身出席 Rafa嘅 retirement ceremony，畢竟當年佢退休時，Rafa自己養緊傷，太太差不多 delivery，但都出席佢嘅退休賽。雖然 Federer之前已經出咗一篇長文 tribute Rafa嘅 retirement，但係⋯⋯🤔⋯，我都係好訝異、疑惑、遺憾。Well，可能 Rafa想要一個全西班牙人嘅退休儀式啦。
因為場地喺西班牙，全程都用西班牙文，完全唔知佢哋講乜。只見到 Rafa好 emotional，場地播番 Rafa以往喺 Davis Cup嘅片段，片段裡面嗰個十幾歲嘅少年，神采奕奕，信心滿滿咁打出自己一片天地，咁快過咗二十年。二十年喺職業網球已經算好長，尤其呢二十年職業網球比以往更激烈。
呢幾年見到佢嘅姿勢都睇得出佢時時喺度痛緊，成個 posture都同以前唔同，我覺得big 3之中佢老得最快，因為佢同 del potro一樣 keep住都在傷、痛中。
我諗我係一個勝利球迷，唔想見到佢輸，有時我會諗，當佢輸嘅時候，場場比賽都同佢一齊嘅家人要點安慰佢？應該做乜、唔應該做乜？分享勝利容易，分享失敗就唔容易，尤其你只係密切嘅旁觀者，教練可以同佢檢討、分析、重訂以後訓練、其他各有職司嘅都可以用自己嘅專業位置表現佢哋嘅安慰，但家人，可以做乜？我係平凡人，身邊都係平凡人，冇乜大喜大悲嘅經歷，可能佢哋見慣風浪自然識面對啦。
喺職業網球嚟講佢算老，但做番一個普通人，佢仲好年輕，仲有好多嘢可以做，佢會唔會轉向 golf發展？
職業生涯最後一次向球迷揮手致意👋👋👋
delpo嘅告別係無奈，令人婉惜，我睇到喊咗，但 rafa嘅成就已經好好咁 reward咗佢一直嘅努力同堅持，告別係一個完滿結束，冇傷感。
V A M O S R A F A ！！！
沒有留言:
發佈留言