畫嘅時候覺得個天嘅顏色融合得好好，睇畫都還可以，影咗相似乎無所遁形。天嘅下截應該係霧氣，我畫實咗，有諗過洗吓佢，但通常越執越糟糕，都係算。
😅間屋畫錯咗，起咗稿都跟唔到，而家怪怪哋咁，但幾面牆我覺得幾好；煙囪本來有煙嘅，黃昏時份應該煮緊飯，不過唔記得留白，算啦，嗰晚可能叫外賣。
整體顏色都係冇乜變化，樹一律咁嘅色，天一律咁嘅色，其實畫嗰陣有喺唔同部分加唔同色，但因為反覆咁加深，又心急要喺乾之前完成，枝筆慌不擇路，亂咁攞色，終於天下大同。不過個天呢個綠色我都幾鍾意。
今次呢幅稍為冇咁悶，係咪？
 |
| Cotman on Saunders Waterford 190g rough 15" x 11" |
