追星的紅杏 – 一廂情願出牆來

呢篇係 yahoo blog年代嘅舊 post，仲係用緊書面語。

細個成日都好羨慕講國語同英文嘅人，佢哋諗到乜都可以直接寫，而我哋講廣東話嘅就要喺腦裡面翻譯成書面語先寫得，原來我哋從小就學緊 1.5種語文啊！

不過，咁都有利我哋以後聽同講國語嘅，起碼字詞同句子結構唔會差太遠，所以後來去台灣旅行都勉強用到國語買嘢問路。

近幾年，愈嚟愈鍾意用廣東話寫嘢，但好多廣東話字都唔識，最明顯就係 "d"，有時間真係要 search番晒 d正字先得。

篇文而家睇番都仲覺得幾得意，當年曾經都輕輕咁喺網上追過星，見到有 fan group嘅人話佢老公呷醋，引發我對呢件事思考咗一吓。如果話選美係物化女性，咁追星都應該係物化，fans鍾意嘅只係個明星擺出嚟嘅一個設定型態啫。

~*~*~*~*~*~*~*~*~

紅杏 ： 我愛上了一個人，雖然我知道他不會也愛上我，甚至連接觸的機會也不會有，他永遠不會知道，我亦沒有打算放棄家庭去追隨他，但是我滿腔心思都在他身上，迷上了他的舉手投足、他的說話，他的觀點我也覺得是對的，我算不算背叛了丈夫？

香桃 ： 不算的啦，連接觸都沒有，沒有交流，甚麼也不可能發生。每個人都有喜歡上些甚麼的權利。你又沒有甚麼行動，都是想想罷了。

紅杏 ：那只是因為真的是沒有機會，試想要是他是一個我生活範圍內的人，也許我會去接近他，那也就是婚外情啦。

香桃 ：你知道嗎，你現在只是迷戀上他的形象，你對真實的他一點認識也沒有，要是有機會接觸他，也許你會覺得他並不是你喜歡的類形，你便不會像現在般盲目。

紅杏 ：這只是說我也許愛錯了，但毫無疑問是愛上了。

香桃 ：其實你這樣跟男人迷上了足球有甚麼分別？他們甚至於廢寢忘食，還理直氣壯的哩。他們可不會覺得背叛了妻子。

紅杏 ：但迷上了一個人，跟迷上了一件物件或者一項活動總是有點不一樣啦。

香桃 ：你迷上了的可不是一個人啦，都說你只是迷上了他的形象呀，明白嗎？你覺得他有才華，有幹勁，傾慕於他的成就。就是一個形象啦，任誰要有這才華、幹勁、成就，你都會迷上。

紅杏 ：是這樣嗎？不是吧。也有其他人都被公認是有才華那些甚麼的，可是我並不同意，我不覺得有其他人有他那麼好啊。這不是我對他有了特殊感情嗎？

香桃 ：不是啦，他就真的是這圈中的翹楚，誰也不能否認啊！你說得上有誰有他這成就嗎？其實你一向知道他的存在，也欣賞他，但也沒有為他著迷，直至你知道他已去到這地步，你就一下子迷上了。所以你是傾倒於他的成就，你只是崇拜強者。

紅杏 ：不是你想的那樣子，我是見到他怎樣一路的走過來，路上有高有低，有起有落，都一一克服了，–––

香桃 ：–––到現在站在頂峰接受喝采，令你折服了，對嗎？不就是你崇拜強者囉。崇拜跟愛是不一樣的！

 唉，你都不懂得愛，怎麼還攪得了婚外情？

紅杏 ：那就讓我追隨一個強者罷。我覺得愛裡一定有一點點甚麼的，也許是崇拜，也許是同情，也許是憐惜，也許是一個共同的理想，甚至是財富，有太多的可能性。單是愛，愛甚麼呢？不談其他條件，就只剩下肉體的愛，如果愛的起點只是單純地愛對方的形體，激情過去了還有些甚麼？你必得先愛這一個形體所蘊含著的起碼其中一點特質，才有條件發展出愛情，要不，這只是肉慾。

香桃 ：…

紅杏 ：那麼我算不算背叛了丈夫？

香桃 ：依你的說法，是的，你在精神上背叛了他。

紅杏 ：噢…我就知道。

香桃 ：…

紅杏 ：真羨慕有人可以一生只愛一個人。其實他們內心有沒有經過鬥爭？像我一樣。

香桃 ：…

紅杏 ：你幹嗎不說話。

香桃 ：…

ATP世界巡迴賽總決賽 ATP World Tour Finals （5 - 22 November, 2020）

一直以為 rafa冇乜點參加 atp final，原來好多年佢都有去，仲有兩次入到 final，不過都係贏唔到。
唔鍾意 rafa嘅球迷經常都用佢冇攞過 tour final嚟攻擊佢，話佢冇資格成為 GOAT。

呢個 title真係影響咁大咩？
2019 atp final，rafa同 djokovic都喺小組賽被淘汰，
最後贏嘅係 tsitsipas，佢全年只係贏咗一個 atp 250，
個 title有乜重要性同代表性？
tour final會重要過 davis cup同奧運？

不過，為咗封嗰班人嘅口，我相信rafa應該會盡力攞埋呢個 title，

今年打少咗比賽，尤其係冇打 us open，體力同健康狀況都應該比往年好，係好機會。

唔知 rafa有冇起番個有演唱會舞台燈光嘅硬地場嚟練習呢？

為咗見證呢個歷史時刻，開定個 post等。

atp final嘅賽制同其他巡迴賽唔同，唔係淘汰賽，而係小組單循環。

喺 atp個 site睇到，暫時得七個球員入到呢個決賽，但 federer退出咗，得番六個，
djokovic
nadal
thiem
medvedev
tsitsipas
zverev

唔係好明入決賽資格，rafa好多年都係七月就 confirm到可以入決賽，係唔係計分呢？

~*~*~*~*~*~*~*~

太早開post真係有 d悶，等咗咁耐先有多個 rublev入圍，

最後一個唔係 schwartzman就係 carreno busta。

~*~*~*~*~*~*~*~

17 Nov, 2020

第八個入圍嘅係 schwartzman。
今年分組係 Tokyo 1970 同 London 2020，係唔係有典故呢？

Tokyo 1970                London 2020

Djokovic                    Nadal

Schwartzman             Thiem

Medevdev                  Rublev

Zverev                        Tsitsitpas

atp final賽制係小組單循環，我從來都唔明白呢種賽制，

不過以我有限嘅理解，四個人一組，就要打六場。

Zverev, Schwartzman, Rublev, Tsitsitpas已經各輸一場，我覺得，輸得一場，應該都冇乜希望出線。

~*~*~*~*~*~*~*~*~

19 Nov, 2020

Rafa輸咗一場畀 thiem，
就算 rafa下一場贏， thiem輸，計分都出唔到線，除非輸得勁啦…

今年都好似冇乜機會😒

djokovic都係 1win1lost，medvedev 兩win

Vamos Rafa ！！

~*~*~*~*~*~*~*~*~

20 Nov, 2020

thiem真係輸一場喎，
WL一樣，sets一樣，rafa贏嘅 game gross 同net都羸 thiem，
係咪即係出到線？

估唔到 rublev會贏 thiem，佢真係 rafa嘅 die hard fans，

上次都係一路贏比佢排名高嘅對手，然後到對 rafa就輸畀佢😁

既然 rafa出到線，就要關心吓另一組，
不過我都係唔識睇，但無論如何唔會係 schwartzman，
其他三個都仲有機會，等打埋最後一場。

Vamos Rafa ！！

咦！英國唔係 lockdown咩，點解可以比賽？

唉，呢場疫症，全世界都畀佢害死。

~*~*~*~*~*~*~*~*~*~

21 Nov, 2020

噢，原來每組兩個出線，第二輪係

rafa vs medvedev

thiem vs djokovic

節奏好快，呢兩日就會完成個 tour，希望 rafa今年有突破。

Vamos Rafa ！！

~*~*~*~*~*~*~*~*~*~*~*~

23 Nov, 2020

Rafa 同Djokovic都喺 semi-final輸咗，決賽係 thiem vs medvedev，而 medvedev仲贏埋個 final添，佢 2020就只係贏過一個 master 1000，year end final呢個 title真係有代表性咩？

anyway，我都希望 rafa終於會贏到呢個 title，塞住班人嘅口。

參觀 – 香港水彩藝術學會 2020畫展

 

我會唔會有一日夠膽參加藝術學會？

參觀嘅人比我想像中多，今年疫情關係，冇現場示範，氣氛冇咁熱烈，不過另有一種憩靜嘅文藝氣氛。

一入門口，就見到只見過一次但印象深刻嘅風格，

相信呢位畫家對人體骨骼肌肉一定係有好深刻嘅認識同研究，淨係睇呢對腳，雖然有衣物，仍令人感覺衣物裡面係有一對活生生嘅腿，衣料嘅形態話畀我知兩條腿係活動緊，究竟要點先能夠畫到咁嘅地步？

不過，同一位畫家，畫風一轉，風格完全變晒，可能想表現嘅重點唔一樣啦。

點解容許前面有咁大塊冇 detail？係唔係後面畫面多細節，平衡番？如果成幅都咁多細節，畫面會冇 focus？

呢撻係意外定係刻意想表現 d乜嘢？

顏色融合之餘又可以各自守住自己嘅位置，
係唔係要控制紙上面嘅水份？
同埋兩種色嘅含水量？
我覺得顏料濃度好難控制。

好鍾意呢種顏色豐富又有層次嘅背景，畫水彩都係因為鍾意呢種畫面，然而通常都做唔到，一係暈染形態唔靚，一係各種顏色混埋變咗污糟色。

一枝植物裡面有深有淺，
應該係用咗 masking fluid，
雖然顏色分佈有少少突兀，
但都值得參考。

唔記得同上面係唔係同一幅畫 （我唔係好想將人哋成幅畫影落嚟，好似唔係幾好咁），
彩色嘅雲好豐富，
明暗位各自繽紛。
不過似乎實咗 d，
似棉花多 d。

顏料嘅 granulation好靚，不過我用嘅顏料得 ultramarine同 yellow orchre有 granulation，似乎係 organic pigment成份多先容易 granulates，即係貴嘅顏料，daniel smith 就有好多種色有 granulation。

不過，原來有一種 granulation medium，話會令一般顏料產生沈澱。

前面塊地層次分明，
畫家喺比較高嘅草底下加咗深色，
更有立體感同層次。

尤其鍾意個頭冠，本來好複雜嘅結構，佢輕描淡寫就表達咗。
因為我知道個冠係點，佢又畫到個 size同比例，顏色明暗都合理，而引導到我喺想像中睇到晒 d絨球同珠片。

所以明暗用色同比例好重要，oh, this is technique！

後面嗰枝翎（？）畫得淡， fade out，但又有水痕 outline番，perfect！

呢幅畫愈睇愈好睇。

參考背景畫法

水平如鏡嘅畫法

成日都覺得輪廓唔明顯好難畫，
畫家將呢堆曖昧嘅植物畫得咁好。

用色唔單係濃淡有緻，
其實有唔同色，
綠中有啡，啡中有綠，
右下角仲有一抹藍。

幾個光點係玻璃反光，唔係畫嘅內容，不過又好似幾襯，好有氣氛。
明暗同用色都好靚，
我都係好似佢咁畫水，一橫橫咁，點解我畫到似地毯？
睇嚟係用色同明暗問題，我用色太鮮明，冇明暗，似乎係咁。

個錨好有質感。

係龍船花呀…

唔需要每朵每粒都畫得清清楚楚，一朵裡面有幾粒清晰，會引導人諗到成朵都係咁，一簇裡面一朵清晰，就可以令人知道成簇都係咁…😄

葉…，又差不多全部都清晰，如果我畫，應該會同花一樣 blur咗佢，但喺呢幅畫嚟睇，d 葉清晰先啱，因為 d花 blurred唔係因為 out focus。

充滿水氣嘅樹林，有濃有淡，有化開有實色，有明有暗。

如果係我畫，一定會手忙腳亂咁暈開嗰撻藍色，然後會化到一塌糊塗。

我成日都想畫到色彩咁鮮明，但見到呢幅我又唔係咁鍾意。

不過佢咁豪邁嘅畫法好 impressing，
仲有佢用咗畫紙嘅紋理同擦白嚟表達樓層同燈光，真係好有畫畫嘅智慧。

覺得似油畫，或者 acrylic。

雲彩都可以實色、唔暈染。

構圖簡單，但好有氣氛

水嘅畫法，
留意：倒影形態、
           水面用色、
           留白

唔係我熟悉嘅畫水方式，重點係幾條盪漾嘅線，imply 盪漾嘅水面，大色塊表達平靜水面，.......好似有 conflict喎.......

未必冇可能，

有時間要去觀察吓個海先得，老師都話平時要多觀察事物嘅形態，見到乜都諗吓點畫，咁先有進步。

我記得呢幅都係水，

但而家睇相，

唔係好似。

就算一大片草，都需要層次。

右邊有光嘅缺口將前後打通，好似話：『呢度行到入去，後面仲有嘢。』感覺畫面有深度。

如果畫到棵樹封疊住間屋，會好似隔開咗後面，畫面到此為止咁。

筆觸由細緻到簡略，顏色由濃到淡，同老師教嘅畫法一樣。

不過佢個天藍同紫之間加咗一層黃色，我覺得有少少奇怪，

但黃加藍冇變綠仲奇怪。

畫到水墨畫咁，綠色用得好豪邁

加幾條線，
加咗動態畀 d魚。
我諗 d線係刮出嚟。

魚鰭同水虛虛實實畫得好乾淨俐落。

人哋練咗幾耐？
其實我都畫咗好多年…

構圖用色都似永山裕子，
不過大師嘅虛更虛、實更實。

我冇見過永山裕子真跡，
但呢幅都夠我膜拜。

左邊白色虛嘅花配實嘅葉，
我冇諗過可以咁，
一定係成堆 blur晒。

呢幅都係睇色彩混合同 granulation。

片葉畫得好靚。

顏色好靚，諗起我嘅瀑布。

好靚嘅水面，同上面有一幅好似，但呢幅光影更靚。

跟住幾幅係老師嘅畫。

景色同我喺 tonle sap坐船經過嗰條河道一樣，不過老師畫嘅可能係大澳，仿彿喺 ig見佢講過。

因為係住家嘅關係，河道環境比較雜亂，水嘅迴盪都比較亂，所以水面反光細碎。

光影令人感覺到水下有深度。

我總係唔明，近睇咁混沌，點解遠睇又會咁似。

最鍾意呢幅，小朋友笑容同動作好自然，
老師用右邊嘅黑襯托出左邊嚟嘅陽光，
佢經常都教我哋要夠黑先托到光出嚟。

睇咗咁多畫，要盡量搵時間練習吓。

幾時會可以放心再上 course呢？

Staff appraisal

今朝用咗成個上午，先 draft好一份 appraisal。唉，appraisal呢樣嘢，對我哋呢 d低級職員真係純粹係一份功課，我填完交畀上級，佢一定會改，佢改完再交上去，又再改，改完番嚟面目全非，咁你做乜要我做唧？！

經過咁多年經驗，我一萬個 %肯定，唔理份 appraisal寫成點，根本同升唔升職，加幾多人工冇關，你話呢份唔係只係我嘅功課係乜？！

不過咁，不能推翻嘅事實，叫我做都係要做。

每年我都要重新檢視同思考一次每個 staff嘅表現，可能…appraisal嘅要旨就喺呢度？唔係啦，我睇到嘅嘢上級已經睇唔到，而我嘅睇法佢又唔接受改到七彩，我睇到有乜用？

通常我都會當係一次英文寫作練習，仲可以學多 d vocab，要學吓點樣用唔同嘅英文去講同樣嘅嘢，寫咗咁多年，都番用唔少次，anyway，老闆唔會留意到，佢會改個 grade但唔改 comment囉，結果兩樣嘢唔 match，comment大讚但個 grade畀 at par，不過我估，除咗我冇人會發現，相信HR更加唔會睇。

但我都會好認真咁寫，呢份係我寫畀 staff嘅情書，我唔能夠升佢哋職或者決定加幾多，但至少表示我睇到佢哋嘅努力，表達我嘅 appreciation，為無聊嘅事搵番少少意義。

~*~*~*~*~*~

今日，senior彈番幾份 appraisal畀我改，指定 overall要某一個 grade，細分佢唔理。

改改吓，醒覺到，某同事因為 attendence太好，呢項霸咗個高分，變咗要壓低其他嚟就番個預設嘅總分，真係弱智。

不過，我唔理，雖然 attendance個 scale係成個 department睇，我都改低咗，畀其他有意義 d嘅項目高分 d。

有個同事，以往做得唔係幾好，一向 grading偏低，但今年佢改善咗，進步咗，睇到佢努力做好工作，但 senior仍然堅持佢只可以攞番舊年個 grade，hmph…無言。

~*~*~*~*~*~*~

往年，我改完改淨，交上去就冇我事，上司會同個 staff傾，然後就唔知點喇，亦唔會畀番份 copy我哋。

今年，佢見完 staff，份 appraisal又返咗嚟我度，個 instruction係叫我同 staff做 review喎，仲要出我個名做 interviewer，喂，而家即係仲要當我全權負責呢份 appraisal喎，wholly crazy ！！

好彩我同我 d team mate一向都溝通得好好，佢哋知我態度，而且，我交上去嘅原始版本 appraisal會 bcc佢哋，會知道我唔係對佢哋講一套對上司講另一套。

咁多年個個睇住佢點壓我哋 rating，真係心都淡，如果唔係因為大家合作得咁開心，未必會繼續做到咁耐。

hmph......................................

畫畫 – mushroom house （素描、水彩）

mushroom house真係好可愛，mushrooms又有好多品種，不過到想畫又諗極都諗唔到可以點畫，真係冇創意。

先畫一張素描，練習吓，順便當 value study。

水彩版，顏色開得淡咗，試吓會唔會好 d，平時好似一上色就實晒咁。hmph…，真係奇怪，明明一向都係乾咗淡晒色喎…，我究竟講緊乜？究竟有乜問題？

今次想畫背景先，

顏色幾滿意。

都算做到我想要嘅不規則邊線，原來落筆要猶猶豫豫咁，不過，內容都係好似冇乜變化，係唔係張紙太濕，顏色混合得太好呢？

係唔係一定會咁嘅呢？

谷起到咁，d顏料好容易走晒去中間，有次上堂畫個天，顏料流晒落中間，搞到個天有直紋。（不過乾咗好似一度光由雲層照落嚟咁，又幾有 feel。或者就係水彩好玩嘅地方，好多unexpected，可以破壞，亦可以 enchance幅畫）無論張紙大定細，橫畫定直畫，個凹位總係垂直，點解呢？

不過今次中間又保持到清白喎，真係奇怪。

畫到呢度都仲幾有水彩感。

我好鍾意下面嗰 part綠色，接近我想要嘅樣，好開心。

梯級好似有少少 halloween嘅感覺，畫嘅時候失去方向，唔知自己想點。

成張畫都算幾有水彩 feel，同埋幾舒服。

Schmincke Akademie on Saunders Waterford 190g rough 7.5"x5.5"

今次刻意加好多水調色，因為我睇到 iraville都係咁，佢每一層顏色都好淡，有時佢會疊好多層，效果依然好透，唔會厚實。

但都可能因為佢用 schmincke horadam，所以特別透？咁我用 akademie效果都唔錯。

post喺 group度，同學睇完話我今次畫單色系，我先記番起，我本來諗住個身用淡咖啡色，唔係單色呀…，離晒譜。

睇真 d，個頂畫細咗，冇咁可愛。