畫畫 – power house of Boldt Castle (wetcanvas aug 2020 challenge)（水彩）

呢座建築物形態好靚，畫多幅可愛版。

好似都係 contrast唔夠，棵樹應該加番枝幹，唔識畫『可愛』嘅水同天😂。

Schmincke Akademie on Saunders Waterford 190g rough 7.5"x5.5"

畫畫 – power house of Boldt Castle（wetcanvas aug 2020 challenge）（水彩）

我諗我 d畫好唔水彩樣係因為經常反覆咁疊色同修正，所以今次我好認真咁起稿，同諗清楚先落筆。

我都唔知算唔算做到，不過幅畫好似冇平時咁悶，整體都好滿意。

建築物暗位加咗 magenta，幅畫多咗色彩。

河水揀啱色，畫少咗橫線，冇之前嗰 d咁似張氈。咁大嘅範圍有冇需要有顏色變化呢？好彩有個倒影調劑吓，不過係唔係太多留白呢？

而個天呢…，如果我冇將深色嗰一塊擺喺兩個尖頂中間就好嘞，畫嗰陣完全冇留意，畫完先發現。

明暗都係唔夠，我總係唔敢用太深色，驚深咗唔好睇就救唔返，然而前面棵樹似乎深色咗，有 d搶 fo。

建築物都係歪斜，點解人哋可以畫到好啱比例、線條好俐落嘅？喺 instagram見有位畫家畫建築物，徒手畫直線弧線，乾淨俐落，高手總係令事情睇起嚟好容易咁嘅。

堅持用細紙，因為冇地方擺，有機會再上堂先用 A3啦。唔知我會唔會有一日畫兩開紙呢？呀…，其實我畫過喎，小學時用過咁大嘅紙畫咗一隻鴨（應該係）送畀人，都唔知當時點用枝細細嘅 cheap cheap水彩筆畫咁大幅畫。

Schmincke Akademie on Saunders Waterford 190g rough 7.5"x5.5"

畫畫 – power house of Boldt Castle（wetcanvas aug 2020 challenge）（素描）

Boldt Castle喺 St Lawrence River中間嘅 Heart Island上面，呢條河喺美國同加拿大中間，Heart Island係屬於美國嘅。1900年，一個商人起嚟送畀佢妻子，不過結果都冇住過，每一個古堡都有自己嘅故事。

畫中嘅唔係 castle本體，係佢嘅 power house，靚過 castle本身好多喎，點解嘅？

其實呢幢建築算唔算係 castle呢？
係唔係要有防禦嘅功能，有城牆、護城河先算？
定係夠大就得？

需唔需要一定係磚砌？

呢幅素描其實係 value study，不過知道自己唔識簡略，所以一開始都打算認真素描。

畫唔到磚牆上嘅凹凸，我估水彩版本都應該畫唔到架喇。
雖然 d建築物畫到歪斜咗，不過都畫得幾靚😁

再見，蘋果

曾經鬧過蘋果新聞裡面好多錯別字，

亦鬧過記者詞彙用得唔啱，

有時又好討厭佢哋將新聞娛樂化，感覺低俗。

但無論如何，都係一直訂，一直睇。

講再見，真係希望能夠再見。

紅樓夢 15．賈寶玉的啟蒙進程 ：度脫模式 – 臺大開放式課程（歐麗娟教授）

這節影片似是緊接著上一課，估計實體課堂編排跟網上不同吧。
一按進去教授已經在說著，我有種上課遲到的感覺。

頭三分鐘已經有n多我聽不懂的詞彙…

聽不全懂也沒怎麼妨礙理解課程，不過我覺得，教授所說關於內容的理解，其實我也知道、明白，但就是沒能力化作文字或語言，有條理地表達出來，所以錯過了她的用詞，我真是感到很遺憾的。

就好像某朋友去上管理課程，上了兩課不再去了，他說：『教的我全都懂，我日常就在做。』但他不懂得怎樣將他懂的做的化成有條理的文字語言說出來啊，結果考試也不懂答題，當然也拿不到能證明他懂的證書啦。

當然我不是要考試，可是心裡模糊地明白，跟能有系統地表達是兩回事。

正如教授說：『你不能說他不合理就是不合理，你要說出個道理來。』所以，讀書就是學習如何整理思維，化為文字和語言。

15-17這三課看起來沒甚麼趣味，以後才認真地聽，現在就只約略地記一下，先佔一個位置，因為不想這 label的次序都亂了。

~*~*~*~*~*~*~

賈寶玉從一個自我中心的小孩，慢慢變成懂得跟社會互相協調的人格，其中經過四次的啟蒙。

書中第一回，一僧一道說：『趁此何不你我也下去度脫幾個，豈不是一場功德？』
日本作家青木正兒針對『神仙道化』題材而提出『度脫劇』類型，度脫，就是『得度』和『解脫』。

度脫劇的構成要素包括

1.   被度者 – 通常都有特殊出身來歷，流落人間的仙，妖之類

2.   度人者 – 都是仙、佛人物，智慧老人般的存在
3.   度脫不會一次達成，元代度脫劇都經三次失敗，第四次才成功

元代度脫劇一般強調度人者的非凡智慧和能力，並不重視被度者方面的描寫，可是紅樓夢卻集中在描寫被度者（主要的賈寶玉）的演變，度脫者亦不是仙和佛，而且度脫亦不止三次。

（那麼，為甚麼教授會帶出元代度脫劇呢？原來是因為脂批。）

第二十五回，僧道救回寶玉，脂批說：『三次煆煉，焉得不成佛成祖。』

書中僧道雖然同時出現，一起度脫，事實卻存在分別

（感覺這一課有點摸不著頭腦，並沒有說到寶玉的啟蒙進程，最後三十分鐘都是闡述僧道相異之處，就突然完了，可能下一課繼續吧。）

~*~*~*~*~*~*~

筆記大綱：

一）傳統度脫模式的挪借與超越

        （一）度脫劇的構成要素

        （二）賈寶玉的啟悟經歷

                （1）性啟蒙

                （2）出世思想啟蒙

                （3）情緣分定觀啟蒙

                （4）婚姻觀啟蒙

二）西方的『啟悟故事』與『男性』的成長小說

           

畫畫 – tea at Tiffin 13/13 - tea（水彩）

成個 tea set最好嘅應該係佢嘅茶，有好多好多種選擇，我揀咗我最熟悉嘅 earl grey，唔想喺呢個時候試新嘢，因為好可能破壞成個 tea time。記得有一次旅途中，見有 chamomile tea，聽得多但冇試過，於是揀咗佢，嘩…！原來就係我覺得好難聞嘅 fruit and passion嗰種味，好可怕！！好彩係晚餐後嘅一杯茶，唔飲都唔緊要，唔似得 tea time由頭飲到尾。

tiffin中文名叫『茶園』，可能真係因為茶靚啦，呢個 outlet以前主要做下午茶，枱櫈都係矮矮嘅 cafe風格，食正餐坐得唔係好舒服。

呢壺 earl grey由頭到尾加咗三次水，沖到最後都仲係好香茶味，浸咁耐都唔會苦澀，而開頭第一壺又唔會太濃喎，真係超好飲。

Schmincke Akademie on Saunders Waterford 190g rough 7.5"x5.5"

茶具係銀器，但畫唔出銀器嘅顏色，而家似不鏽鋼，係唔係應該用暖灰？

希望茶具上面嘅反映表現到金屬感，我自己判斷唔到。

三件茶具上面，因距離同形狀唔同，而反映出唔同形態嘅杯碟，我好開心我夠小心畫到出嚟。

畫到最後呢幅，終於認真咁畫埋餐具上嘅花紋，其實實物係更精緻嘅，我都仲係簡化咗。

好開心畫到碟嘅荷葉邊，不過右邊留多咗條白邊，怪怪咁。

本來諗住羹柄 fade out，但最後喺碟底加咗陰影，隻羹變咗爛尾。（點解唔畫番好羹柄呢？？我都唔記得點解…）

茶嘅部分…，都算 ok，係唔係？

右上嘅杯緣又係畫爛咗，竟然又係留多咗白，隻杯畸咗形。

咁多問題，好唔好加番幾筆塊執執佢呢…？

anyway，畫完我都好開心，畫到好多 detail，outcome都幾好吖。咁細張紙畫咁多嘢都唔係容易，有諗過呢幅用大紙，但想成系列都同 size。用大紙畫細節容易 d，但又到乾濕難控制。

tea at Tiffin全部完成！

~*~*~*~*~*~

終於畫到似老師教嗰種效果，開心！

畫畫 – tea at Tiffin 12/13 - unlimited ice cream, waffle and more（水彩）

我一直都好鍾意 Tiffin buffet嘅雪糕，無論係 tea定 dinner，唔係因為雪糕特別好食，而係佢哋會用冰凍嘅銀碗裝雪糕，連雪糕羹都係銀質同凍嘅。

不過呢兩年都改咗用普通玻璃雪糕杯，唔通賣晒？

Anyway，雪糕始終都係好好食嘅，今次食咗六球雪糕，最鍾意係椰子同海鹽焦糖，以前有龍蝦湯味，不過我冇試過，因為其他食物已經應接不暇，到今次 menu冇乜驚喜想試吓，已經冇咗，不過都唔可惜嘅，估計唔會真係有幾好味。

除咗雪糕，仲有即製 waffle，生果同埋好多小點心，不過我淨係食咗雪糕，自己個架上面嘅點心都多到食唔晒。有人將個架嘅嘢全部打包帶走，專攻其他無限供應點心，一個價錢食出兩個餐嚟😅。

Schmincke Akademie on Saunders Waterford 190g rough 7.5"x5.5"

個杯都算畫到玻璃質感，六角荷葉邊都 ok，

雪糕球都算似（裝喺個咁嘅杯，唔似都知道係雪糕），上面個椰子雪糕暗位用色滿意😁，

最鍾意杯底個圓圈，用色同筆觸都恰到好處（知醜嗎？😁）。

法國網球公開賽 The French Open 2021 （24 May - 13 June 2021)

Roland Garros為 Rafa造咗個 statue擺喺一個新落成嘅公眾入口。

個 statue成三公尺高，嗰位 sculptor話考慮過唔同 material，最後決定用鋼，我覺得好適合，表現到rafa鋼一般嘅意志同力量。

不過點解要用個 cage困住佢呢？就算要用 wire，都可以用 posts，而家感覺唔係幾好。

好多人都話唔似，我都覺得係，個表情同 pose都唔係好典型嘅 rafa。

rafa擊球最經典梗係手繞過頭嘅動作啦，而面部最唔似係口型，而且口同鼻距離大咗，我畫開畫就感覺到，五官位置差好少好少就會好唔同，你諗吓拉面皮都係話提升 2mm就後生十年😆 ，而家似federer多 d，rafa喺場上表情冇咁柔和。

可能因為 rafa嘅 achievement實在太震撼，roland garros等唔切 rafa退役就同佢立像，所以有人話，其他球員要同一個有塑像擺喺門口嘅對手爭呢個 champion，會好大壓力，但我就話剛剛相反，塑像本尊更大壓力，已經被捧為殿堂級，點知輸咗，幾尷尬呢…，其他球員贏唔到一個被捧上神壇嘅對手又有乜問題？

~*~*~*~*~*~

剛剛完咗 quarter final，rafa又係同上次一樣，打完 schwartzman跟住打 djokovic，schwartzman真係幾勁架，同 rafa一樣，呢個 tournament未輸過一局，雖然呢場輸咗，但都贏到 rafa一局，算係咁喇，170身高喺 atp打到前十，michael chang都175，而且嗰時球員一般冇而家咁高。

federer喺 r4退出咗，佢去參與吓嘅啫，佢都話 grass season先係佢嘅球季開始。

好 surprise，thiem第一 round就出咗局，聽講話佢自從舊年贏咗 us open之後就一直不在狀態，希望佢唔係贏到 grandslam有咗壓力啦。

好似 naomi osaka咁，今年退賽，因為接受唔到賽後訪問時記者問嘅問題，原來佢有抑鬱症。好多我哋睇嚟好成功嘅人，處理到外界一切挑戰，但處理唔到自己，會唔會佢哋對外已經 exhaust咗，所以發生情緒問題？

今年 big3喺晒上半，因為有一個 medvedev係 2nd seed，但佢喺 qf輸咗畀 tsitsipas。

所以呢，quarter final將會係：

Djokovic vs Rafa
Zverev vs Tsitsipas

Vamos Rafa ！！

~*~*~*~*~*~*~

semi final

係咪呢！！

真係輸咗，喺 rg輸真係好大件事，嗰頭立咗像嗰頭就輸，對情緒好大影響，除咗影響自信，仲會感覺自己 disappoint咗好多人，最重要係 disappoint咗 adore and respect佢嘅人，federer喺 09AO都係因為咁喺頒獎禮喊到講唔到嘢。

不過 rafa都算好彩，semi final輸咗匆匆幾句就走得，輸 final仲要留喺場內等 setup 場地頒獎，個個記者會 zoom in等佢喊，等佢崩潰。

不過體能對戰就係咁，全部眾目睽睽之下發生，諗番佢都畀過 federer好幾次咁嘅經驗。如果好似borg 同 sampras急流湧退就唔使面對呢 d，…不過情況又唔同，佢兩個當時已經無敵係最寂寞，諗住後無來者，所以瀟灑咁離開，可能見到 big 3攞到第十個 grandslam已經後悔，早知攞到時就攞多幾個傍身。

贏咗第一局後連輸三局，乜事呢？

Anyway，冇人會只贏唔輸，今次輸，下次贏番。

V A M O S    R A F A  ！！

~*~*~*~*~*~*~

18 June, 2021

Rafa宣佈咗，"after listening to my body" 唔會參加今年 wimbledon同埋 olympics。

要啦，輸 fo真係一件值得深究嘅事。

V A M O S    R A F A  ！！

畫畫 – tea at Tiffin 11/13 - scone, lemon curd, clotted cream, strawberry jam（水彩）

我覺得 scone係一個 tea set嘅靈魂，而 tiffin tea已經冇咗靈魂喇，我未食過咁差嘅 scone，配搭嘅 condiments水準都好普通，失望。

呢年幾以嚟，好多事物嘅水準都一再下降，無論質或量，尤其是呢種要維持門面同服務嘅，只能喺食物質素落手，用平 d嘅材料，簡單 d嘅工序，造到五光十色嚟擾亂視線。

唉。

我 d暗位總係咁陰沉，幅幅都 halloween feel。

pat 果醬出乎意料咁 ok似，似乎出到 jam嗰種半透明嘅質感(?)...色調(?)，但其實疊咗 n次，所以透明感其實係配色托出嚟，而唔係真係透明？

scone嘅 texture都似嘅，係調唔啱色啫。

我畫到好似倒瀉過咖啡喺個 scone度咁。😁

Schmincke Akademie on Saunders Waterford 190g rough 7.5"x5.5"

畫畫 – 蒜（木顏色）

 

畫畫 – tea at Tiffin 10/13 - cherry blossom cake （水彩）

顏色偏橙咗，暗面條邊太硬。

粉紅色嗰幾條…，係 gel狀嘅，又係畫硬咗。

唔知係唔係個影畫後咗，件餅好似飛起咗咁。

Schmincke Akademie on Saunders Waterford 190g rough 7.5"x5.5"

甜點都畫晒，原來得四款咁少，可能因為 self service有即製 waffle、雪糕、macaron、生果，全部都係甜嘅啦。

畫畫 – tea at Tiffin 9/13 - peach jelly, jasmine tea almond tart（水彩）

我最滿意粒 peach jelly，留到白，又畫到佢其他部分嘅光澤，雖然顏色偏冷咗少少。

d cream排列簡單，所以都唔算難畫，不過都係畫到混亂咗，明暗跟唔番。

隻蝴蝶畫得幾立體，角度都 ok。

Schmincke Akademie on Saunders Waterford 190g rough 7.5"x5.5"

 

畫畫 – tea at Tiffin 8/13 - blueberry and violet flower cheesecake（水彩）

明明事先好認真咁調啱色，結果畫嘅時候比例唔啱，個餅偏咗咖啡色，似朱古力多過似 blueberry，反光都畫得唔好，冇晒嗰層 blueberry coating嘅光澤，更似 cocoa powder嘅質感。

其他部分我都幾滿意，尤其是右邊嗰粒粉紅色 cream，顏色同形態都好好。（成幅畫係得一粒 cream畫得ok，唉😁）

橙黃色嗰兩粒唔係花瓣，係金箔…，本來餅身都有一片，不過驚破壞畫面，冇畫到，好彩冇畫。

Schmincke Akademie on Saunders Waterford 190g rough 7.5"x5.5"

畫畫 – tea at Tiffin 7/13 - rose profitarole, lychee gel, raspberry（水彩）

profitarole同 puff 係唔係同一樣嘢？
定係語言嘅分別？但有 d叫 profitarole puff，唔會叫 "cake 蛋糕"啩…
有人話，frozen嘅先叫 profitarole，otherwise就叫 puff。

但我食嘅呢個唔係 frozen喎…

puff上面有一片 raspberry…糕 (?)，佢同 puff之間有一片薄嘅朱古力墊住，puff裡面有 lychee gel（其實我唔係好食得出）。

經過反覆重疊之後，塊 raspberry都幾 ok，雖然右下有 d奇怪。
唔記得咗留白（記得都唔會留到），用 gel pen加番，不過好似唔夠白，唔係好似反光。

個 puff表面都有 raspberry，我畫得淡色咗。

最滿意係上面粒 cream，不過都係唔記得畫花瓣嘅淡紅反光。

Schmincke Akademie on Saunders Waterford 190g rough 7.5"x5.5"