呢堂又係畫魚，我初時仲以為同上次一樣係秋刀魚（原來好多種魚個樣都差唔多），但朋友話係沙甸魚。然而上堂時，個個同學都話係鯖魚，me：😳！AI都話係鯖魚，但我覺得幅圖嘅佈局似沙甸魚多 d。
仲有另一個疑惑，就係，呢兩條魚係生定熟嘅呢？朋友話係生嘅，但同學話係熟嘅，me：😂⋯！不過AI都話係生嘅。
就係呢兩個疑惑之下，雖然我傾向畫到佢係生嘅，但阿 sir嘅示範係朝住佢係熟嘅方向，而我都係跟住阿 sir畫㗎嘛，所以我都唔知我畫出嚟似沙甸定鯖魚，係生定熟。
仲有啊啊啊⋯⋯原圖係 portrait，我起稿都係打直，唔知點解，畫完變咗 landscape。呢幅圖令我好迷惘啊⋯
兩條魚畫短咗，⋯定係畫肥咗？
下面俾條魚遮住嗰 part報紙唔夠深色，表達唔到嗰個位好暗所以條魚冇反光，而家條魚好似好 dull咁。
d鹽唔係好似，但係花椒幾好。上面舊檸檬 ok，下面嗰舊少少怪。
 |
| Cotman on Saunders Waterford 300g cp 15" x 11" |
沒有留言:
發佈留言