今堂畫番茄同冬菇，係容易畫嘅嘢，不過我起稿時都係將後面兩個番茄畫大咗。
呢堂最重要嘅 information就係：『唔好睇得太細』，其實阿 sir講咗好多次，我都唔係好明，今次忽然 get到。全因我平時懶係觀察入微咁，掛住畫 d微不足道嘅細節反而忽略咗成個大局嘅佈置，所以我諗，即係應該先注意整體嘅光線明暗，而唔係個體嘅細節，其實呢，又一向都知道嘅，只係畫嘅時候乜都唔記得咗。（正如一切做人道理我都知道，但親歷其境時我嘅 knowledge同 logic會唔見咗， instinct同 emotion會走出嚟主持大局。）
呢兩堂都儘量只用 HB、2H、3B同 4B，但唔知係唔係我唔夠力，同一枝筆，阿 sir畫到好深色，而我畫就好淺色，hmmph⋯而且今堂最難嘅係顏色，佢哋顏色雖然唔同，但 value好接近，畫黑白分唔到，我畫畫吓有 d混亂，唔知應該邊度深邊度淺，最後係成幅都淺色😒
沒有留言:
發佈留言