paint pouring - acrylic

喺 youtube睇到有人將顏料倒喺surface上面，等佢流動嚟形成圖案，好似幾好玩同容易。

反正有一堆acrylic paint冇用，我試吓用呢個方法嚟decorate裝擦膠個鐵盒。

video裡面嘅artist用膠杯裝顏料，但我嘅painting surface細，用好少顏料，而且用完點清理呢？於是我用咗被sl遺棄嘅cupcake紙杯仔。

我得紅黃藍白四色，每種份量都差不多，以為倒完會係彩色，或者溝埋變黑色，
點知黃同藍好似消失咗咁，不過都幾靚吖。

唉，但我太唔小心喇，以為乾咗，點知仲有小小未乾，畀我整花咗，
只係好細範圍，我諗住補少少顏料就得。
但其實我每次補漏總係愈補愈漏，
可能後補時混色唔夠，太原色喇，我索性將層顏料揭走，再嚟過。

第二次，紙杯已經用晒，我用咗裝雞蛋個膠盒，一個個蛋位，啱啱好。

所有事做第二次我都係冇耐性，混色太少，幾種色都係原色咁出現，流動都唔夠，冇乜美感。

流動到差不多乾，我局部點顏色上去，希望有小小detail，不過始終都冇上一個咁靚，

可能太多紅色，加多少少白色，會比較偏向粉色，好似會靚d。

仲有個盒身，唔知邊緣收口會唔會難處理。

同埋要上一層光油，而家好啞色，粉粉咁，video裡面嗰d好shiny，唔知係唔係顏料質素有關。