inktober 2018 day 6 #drooling

本來諗住畫食物，可以畫份令人垂涎嘅美食，後來改咗，大自然點 drool呢.....

去請教吓 google，google話溪水河流、雨後葉尖樹梢都可以 drool，但總覺得唔夠貼切（可能因為我英文知識所限，drool唔係咁），再揾吓，原來，豬籠草都會 drool，嗱，豬籠草嘅 drool就似我認知嘅形態嘞。

總係愈做愈差，幾塊葉好似疊埋一堆咁。

inktober 2018 day 5 #chicken

第五日，我仍然畫緊網上圖片，創作能力去咗邊？

其實我唔鍾意雞，少少恐怖，所以我揀咗呢隻縮埋一舊嘅。

左邊隻蛋一落筆就畫深色咗。 

個頭都 ok，睇幅畫個身體好似冇層次，但睇相都算可以，身體右邊，我睇圖片分唔清結構，反而畫出嚟再影相就 『叮』咁明白咗，睇吓有冇辦法執執佢。

畫深咗好難救，想用 gel pen遮番，唔係好得...

不過隻雞都好有神吖，唔錯😃

inktober 2018 day 4 #spell

終於畫到大自然！

本來諗住係 magic spell of nature，不過畫完又覺得唔係好啱咁，唔....

d 極光畫到好似晾床單😆，似乎應該深色d，呢幅畫已經用咗好多墨水喇，不停咁加色，加極都好似冇色，或者要放膽加深色，一味加 T0都唔係辦法。

然而，除咗繼續加色，我都唔知可以點。

加深咗d光，我畫光總係不期然留白，結果係太白太平。 

又 soften咗光嘅邊緣，希望冇咁似布啦。

finally，覺得唔使成個天都係極光，加深右下少少，

仲諗緊係唔係成片右下都加深好 d...

呢幅係一幅畫唔完嘅畫，唔再加喇，到此為止。

inktober 2018 day 3 #roasted

哎.....stick to pre-set theme真係咁難嘅？
今日呢幅仲算唔算大自然？

本來想畫 campfire烤雞或者豬，又係上網揾圖 distract咗自己。

揾到烤豬嘅圖片，但見到成隻豬被架喺火上烤，感覺好赤裸裸嘅暴力，決定扮 vegetarian，畫烤蔬菜，改揾 vegetable shaslik，😄見到幅圖又忘記咗本來計劃中嘅 campfire，冇咗 campfire，即係冇埋大自然，哎....

串蔬菜唔難，個燒烤架同火先難，燒烤架好 blank，本來諗住加一層深色，後來覺得如果個架深色咗，會搶咗串蔬菜嘅 fo。

下面嘅火同炭本來應該滿滿咁，但都係覺得保持背景簡單好d，架同火，象徵式就算喇。

其實呢種係 roast定 grill呢？

加咗小小火，好似顯得串蔬菜唔夠色咁添，hmph.....

Canson XL marker pad

我睇 draw with jazza，見佢用 marker pad真係 blend得好好，感覺比紙乾得慢d，而且冇咁容易過底，我一直都只係用普通 sketch book畫 marker，blending都冇問題，所以都冇諗住用。

但唔知點解，今次 inktober我好似幅幅畫都用好多墨水，又唔記得墊住，畫到過晒底，諗住試吓用合適 d嘅紙，畫得好 d，又可以慳 d墨水。

尋晚去中南買 refill（成 $49一枝，都幾貴，幅極光畫咗好多錢....），順便睇吓畫簿，我好少買畫簿，因為鍾意原張自己 cut，牌子、厚度、surface都多好多選擇，而且畫簿貴，尤其是中南仲貴，真係唔抵買，size又奇怪。但 marker paper，唯有咁樣買，見到呢本 canson xl, 折咗$85，有成100張，覺得都唔算貴，於是買咗。

一落筆就覺得一定係 somewhere有一個誤會，一畫落去就乾咁滯，好難 blend開。
我睇 review見人話會有 spots，唔知係乜，我用 sketch book冇見過，用 marker pad就見到嘞，因為張紙對墨水好似有小小抗拒咁，唔會完全 absorb，吸唔到墨水嘅地方就有點點。
張紙係滑面，我以為墨水喺上面就算乾咗都會好容易 blend開，點知唔係，仲難過普通紙，
hmph.......
呢個小菇菇只係好細，畫大 d點算？
點解人哋畫冇問題？
有時間再試吓.....

（後來睇真d，
白色點點唔係上唔到色，
其實係反光，
我估計係上色時重疊得比較多嘅位，
墨水積多咗聚埋一點乾咗，厚咗，
....都唔知自己講緊乜😆）

真係 blend得好差，我諗都係用住 sketch book先啦，不過都會繼續揾唔太貴嘅 marker pad，我相信用 marker pad應該會慳 d墨水，因為紙質嘅關係，sketch book嘅紙比較吸墨，marker pad滑面，墨水係 supposed to be喺紙上面浮住，等待另一隻色嚟同佢 blend。
HOWEVER....，canson xl畀我嘅體會唔係咁，可能以上只係我嘅幻想啦....

inktober 2018 day 2 #tranquil

tranquil，好深嘅 vocab，解安寧、平靜，本來諗住畫輕鬆嘅下午茶，揾參考圖片搵咗張好禪嘅圖，覺得同個 prompt好貼切，而且好容易畫，就畫咗。

畫完諗起：咦，唔係諗住用食物做主題嘅咩？.....哈哈哈....，既然第一張係 mushroom，決定改用大自然做主題（而家諗番，呢個構圖都好堆砌，其實算唔算大自然呢？）。

竹節弧度好難畫，竹筒切口仲難，同樣係弧度問題。

石塊比想像中容易，不過唔係好畫到石嘅質感，而家似好光滑嘅 pebble，都 ok嘅，明暗同影都好自然。

同樣係唔知背景應唔應該畫多d，本來想畫多幾塊淡淡嘅竹葉，但驚重重疊疊終於變成亂七八糟。

inktober 2018 day 1 #poisonous

第一日嘅 prompt同上年嘅 poison畫起上嚟有乜嘢實質分別？一個 noun一個adjective啫，可能jake parker好鍾意poison😄

唔知點解，次次講親 poison我就即時諗到 mushroom，本來只想畫幾隻普通菇，後來都係上網揾吓真正嘅毒菇菇。

成個月冇畫畫，幾隻菇唔係好自然，仲唔知為乜邊邊加咗一行，究竟係乜呢？真係唔知點解，真係莫名其妙，不過畫咗就由得佢啦，都幾有個性吖😆

唔知好唔好畫多d背景，而家構圖好單薄，但畫背景又驚會好亂，分唔到層次。

係咁意加咗幾筆，唔好咁空白就算。