早排去咗 joy in arts，本來想買番粒 schmincke嘅紫色，同埋睇吓有冇一枝 black velvet畫筆。
不過買咗幾枝 Daniel Smith，只係買咗 5ml。
原來之前嗰枝閃閃係 15ml，呢種色買咁大枝做乜呢，擺到 binder分離咗😌
仲特登為佢哋買咗個新 palette。
13格幾啱數，本來有個細 d嘅，但細細個竟然有成 over 30格，咁細個 palette邊有人擺咁多色㗎😕，我好鍾意嗰個 size呀，好可愛㗎。
我揀呢幾個顏色，都算係 basic colours，淨係用過嚟畫 colour chart，呢個月冇乜心機畫畫。
今日決定試吓呢幾枝旅行裝畫筆，順便攞番個迷你 palette出嚟用，好耐冇用，顏料都乾晒。
其實我都係貪得意先買呢 set筆，旅行當 souvenir，買咗都少少後悔，成 200蚊。我有時出去做個小小寫生，都會用可以儲水嗰種水筆，如果用呢套筆仲要另外安排水，有 d麻煩。我自己出去寫生都盡量低調，排場唔好太大😂，驚引起人哋注意，d人好鍾意睇人寫生㗎，高手就唔驚啫，我會心虛㗎。
好彩brush嗰部分幾好，始終係真嘅水彩筆😄，好似係 synthetic sable，儲水筆係不能同日而語嘅。但筆桿好短，唔係好慣。
呢幅畫比平時更隨意，冇搵 reference，冇起稿。
後面兩座山角度又係重疊咗，都唔知點解咁難😂，畫完發現又修改，加完之後冇改善，但已經變得 bulky😖
 |
| Cotman on Saunders Waterford 190g rough 7.5'x5.5" |
上星期去咗一間美術用品店 joy in art，佢哋除咗賣美術用品，仲有畫展同畫班，老師都有喺度開班。我想像中係一間好似藝林咁嘅店舖。
去到先知道，佢嘅美術用品部分好細，得一間房仔，可能畫展畫班場地分散喺其他單位。不過佢哋有好齊全嘅 Daniel Smith同 Schmincke，最好嘅係準備咗顏料同各種筆試用，都幾好吖，尤其係筆，要畫落去先感覺到枝筆係點（可能我用過嘅筆少，冇經驗啦），見過同學用⋯松鼠毛筆（？），完全冇彈性，好貴嘅一枝筆，但用唔到。
店員介紹咗一枝松鼠毛混合尼龍嘅筆，筆身攞上手好舒服，試畫感覺都好好，筆尖又夠細，所以本來冇諗住再買筆，都買咗。
咁本來諗住乜呢？
成日見到佢嘅廣告有一 set五枝 Daniel Smith granulating colour set，今日去開附近順便去睇吓。但連個店員都唔知有咁嘅嘢，可能太耐賣晒？⋯又可能根本唔係佢哋，或者係我都有 follow嘅一間台灣美術用品店都唔定⋯😂。
店員好有耐心同我介紹，睇睇吓睇到 schmincke horadam嘅 colour chart，又畀佢 d顏色吸引咗，真係目迷五色，有好幾隻好靚嘅綠色，我揀咗兩隻，又莫名其妙揀咗一隻啡色，反而唔記得買想要嘅紅色🤷
今次唔知算唔算係壓力之下嘅購物呢，我好怕畀人 sell，佢有耐心同我講得耐，我就會唔好意思唔買嘢，曾經因為一個好有禮貌好殷勤嘅細路女 sales而買咗一對唔係真係好啱嘅鞋😅。今日間店好特別，大廈裡面幾個單位，我搵到上去，個店員放低做緊嘅事，喺一間房特登開門去另一間陳列咗各種貨品嘅房，陪住我逐樣介紹。當時我已經諗：『點好意思淨係參觀？』
擺住先啦，再有多先算。
schmincke嘅顏料真係好輕盈清透，最鍾意中間嗰隻綠色。
好鍾意 Waterford嘅質感，顏料散喺紙上面真係好靚。
不過我試完色就收埋咗，都係冇意慾畫畫🤷
其實我想買 tube，
但 akademie只有 pan paint，而我已經畀個盒吸引住，shopping mode又已經 activate咗，pan就 pan啦。
24色裡面包括 titanium white, payne's grey同埋 black，都係我唔會用嘅色，灰同黑要用都用得著，但白色…，點用呢？不過又每個牌子都有白色，仲要唔只一種白，或者我應該了解吓白色嘅用法，可能 for一種特別嘅 technique都唔定。
睇咗 d介紹 akademie嘅 video，原來好多種色都同 horadam用相同嘅 pigment，只係份量唔同，pigment嘅嘢我冇認識，不過即係話akademie嘅質素應該都幾好，色澤同 attitude會同 horadam同色冇分別咁啦。24色配搭都係常用色，不過冇我好鍾意嘅 sienna，有少少失落。
schmincke pan paint嘅製造過程好講究，唔會一次過填滿，akademie會填一半，乾咗再填另一半，我諗係畀 d顏料有足夠時間乾透啦，horadam仲要分四次添。
都預咗除咗holbein其他牌子唔會平得過香港，但事實係除咗holbein冇乜其他我識嘅牌子。
可能marker係新式畫材，傳統美術用品店冇得賣，衹喺tokyu hands搵到，我淨係想買墨水，因為平好多，378yen + 8%tax，都唔使30蚊，中南賣49，但好奇怪，存貨好少，我喺架上攞咗兩枝，問仲有冇，佢哋搵一輪，倉都冇，想買brush nib，又係冇，可能有專賣呢類畫材嘅地方，會多d啦。不過，好彩佢哋冇太多存貨，我去咗幾間總共買咗9枝墨水，到差不多走，先諗起：『呢種墨水係酒精嚟喎，易燃喎，上唔上得飛機呢？』
上網搵吓，連copic official site都話筆可以帶，墨水唔得，連郵寄都唔得，因為aviation law唔畀。
OMG，雖然唔算好多錢，但好失望囉，而且唔帶得走點樣dispose都係問題，易燃物品嘛。最後我決定去到機場再問清楚，唔得先擺低喺機場，希望傳到畀用得著嘅人。去到機場，好多好多人，搵唔到類似enquiry嘅地方，唯有問我能夠捕捉到嘅地勤人員，我強調係alcohol，inflammable，問咗3個，3個都話冇問題，check in baggage就可以。
咁我懷住戰戰兢兢嘅心情，帶住我d行李check in 過關，最後，一路順風咁番到香港！YAY！！可能地勤見我數量少，所以畀我帶，定係佢哋衹著眼喺容量呢？咁究竟copic係點將d筆同墨水運去世界各地賣嘅呢？如佢網站所言屬實，運送過程一定大費周章，唔怪得賣咁貴。但會唔會佢衹係危言聳聽，話你知唔帶得唔寄得，用家唯有番自己 local買貴嘢？
本來見到有成枝0號blender，好似差不多90蚊，香港一定好貴，但我見咁大枝，又冇色，同屋企枝酒精一模一樣，所以當時好理性咁知道佢係酒精，唔應該帶。而細枝有色嘅，我一直都當係墨水，唔記得咗佢哋都係酒精。香港好似冇大枝嘅0號賣添呀，喺中南買咗一枝細嘅，咁嘅價錢買酒精，諗起都心痛😆。
喺台北買嘅呢set magic pencil雖然係一場誤會，但都係一套好好嘅顏色筆，一枝筆有3種neighbour colour，其實我唔知會唔會靚 d，或者有深度d，不過用嚟配合我真正想要嗰套 magic pencil就非常好，因為佢哋係同一家族，唔會排斥。
木顏色唔用力疊多幾層就會鬆鬆哋好似毛公仔嘅感覺。
有時間搵個reference，試吓救番佢啦。
但呢 d嘢總係會吸引到某 d人，有人都畀佢電到，買咗嚟送畀我。😃
唔知點去形容我對呢 set水彩嘅感覺，佢容易控制，色彩鮮明，顏色亮麗，係混色少少 muddy，但係，有 d我不能接受嘅問題，令我唔係好鍾意佢。好多人都係畀佢嘅包裝吸引，我覺得，畫具都有一種吸引力，令人好想擁有，彷彿擁有咗就會連帶擁有佢所 hinting，implying嘅一種文藝氣息、一個優雅環境、一個超然維度咁，而呢盒水彩仲要細細盒，有 12種命名得好優美嘅顏色，會令人覺得可以將嗰種感覺 carry around。
喺實際方面嚟講，好多人都想搵一個咁細而又實用嘅 palette，我自己覺得個盒真係ok嘅，不過同 forum好多人都有同樣問題，就係個盒一開就刮花咗，同埋 staining。佢話自己係 artist grade，呢個完全係指另一種觀點嘅 artist，
people who creates art is an artist，
but what is art？
廣義嚟講，生活，都可以係一種藝術，
喺我嘅世畀，我嘅畫就係我嘅藝術，
用呢盒水彩畫出任何嘢都係藝術，
everyone is an artist，
所以，…
佢哋都覺得呢款水彩畫吓 journal同 sketch係幾好嘅，不過認真畫水彩畫就唔係咁啱用，因為佢嘅質地唔適合重疊，而且 lightfastness唔高，咁點解佢會 label自己做 "professional"呢？
包裝盒上註明呢款顏料只係 "made of purest pigment and Kordofan gum arabic with no fillers"，fillers 通常係一種澱粉質，用嚟將顏料凝成膏狀甚至固體，但佢冇喎，好 pure嘅顏料，所以因此自稱 "professional"都唔定。
誠格間店比較有美術社氣氛，不過我搵唔到我想睇嘅daniel smith水彩，可能擺喺d架後面，我又唔好意思拉嚟拉去睇，行咗一陣就過去文生。
文生真係好多嘢賣，但店面好似好陳舊咁。終於搵到我想睇嘅daniel smith，不過搵到都係睇吓（真係好笑，睇枝水彩睇到乜？又冇得試用，有色版都係印刷出嚟，只可以睇住枝鋁管），啱啱先轉咗cotman，唔想咁快又轉。但一場去到，買枝當手信啦，揀咗枝好特別嘅名，希望唔會同我現有嘅太接近。又見到maimeri有隻色標示住係用po49 pigment，呢種pigment已經停產，停產前所有存貨都畀daniel smith買晒，就係佢嘅quinacridone gold，不過都已經賣晒，我諗：會唔會大家唔為意原來maimeri仲有舊存貨呢？見咁啱遇上legendary pigment，就買一枝試吓啦。
臨走，sl見到一枝佢好鍾意嘅turquoise色，係sennelier，又買埋囉，最後都只係買咗3枝顏料，總共650+台幣，比我用緊嘅貴，但牌子唔同，水彩貴起上嚟都可以幾貴，呢幾枝都唔算好貴喇。
但後來再睇另一個blogger講maimeri嘅lacca d'oro同po49
http://watercolourfanatic.blogspot.com/2011/07/quinacridone-gold-pigment-po49-2.html
Daniel smith 嘅 duochrome green pearl 係珍珠色，閃閃令架，本來諗唔到可以用嚟畫乜 。後來我喺ds網頁睇到，話大自然都有好多珠光色嘅事物，好似蝸牛殼、鳥類嘅羽毛咁，又係喎，我可以用嚟畫最後的精靈裡面條龍erbrow艾爾伯洛身上嘅麟片。
Sennelier 嘅 vert turquoise 好鮮明，仲有granulation添，不過暫時諗唔到畫乜嘢啱用，或者teton mountains都可以，加少少添d色彩。
maimeri嘅 lacca d'oro雖然唔係po49，但都好靚，我都唔知原裝嘅po49會係幾靚。不過呢隻色同yellow orchre, raw sienna好接近。
枝木掃而家仲用緊，大面積上色或者水都用佢。
平頭掃，當時係用嚟畫acrylic，因為其中有一堂我哋用白色acrylic溝水彩嚟畫。而家就用嚟捽走唔要嘅色，尤其是d邊太硬，都可以捽番鬆。
去廣益睇，淨係見到尼龍筆，貴筆可能收埋唔係任睇，咁我唔肯定一定買，唔好意思叫人攞嚟睇，緣慳一面。
但去到，都係想買番枝，就買咗呢枝廣益自己出嘅，都係尼龍，但筆鋒順過舊嗰枝，比較柔軟同靈活。
不過用咗一兩次，細嗰枝嘅金屬furrel裂咗，好彩係上面，影響唔大。
去到一間好有氣質嘅美術用品店，同香港一樣，名貴貨品都係收埋，我亦一樣唔想問，費事問咗唔捨得買或者迫住買。
見到呢套好靚，又好平，於是當紀念品咁買咗，後來先知都算系出名門，係princeton嘅，生產好多靚畫筆。
我懷疑呢套筆唔係水彩用，包裝寫住for 各種用途，suit all就即係not best for all，因為佢唔hold到水，畫起嚟少少『啜』畫紙。
或者以後會發現到佢嘅真正用途啦。
一套6枝，百幾蚊，佢話自己係black sable，少少懷疑係牌子嚟囉。
都幾好用，吸水力都幾好，可能係好劣質嘅black sable都唔定。
而家會用枝大嘅嚟鋪水，或者洗palette，係呀，洗嘢....
但舊年去台北，有個去咗台中讀美術嘅畫班同學介紹我去睇師大附近嘅美術社。
台北嘅美術社比香港嘅有規模，好多嘢都擺晒出嚟，包括比較貴價嘅畫筆。
我見到呢枝macrowave，係純貂毛，12號都只係ntd800，唔會係最名貴嘅kolinsky，但都想試吓動物毛係唔係真係好好用，200+港幣價錢都好ok，旅途中購物慾又寧舍高漲，於是我啲筆又再增加嘞。
的確係比尼龍筆好用，吸水力強，hold到好多顏料，畫大面積唔會咁快冇色，筆鋒可以收到好尖，細節都畫到。
咁究竟raphael, da vincci會好用到乜嘢地步？
點知，好同學好到買埋嚟送畀我哋，真係好開心，有好筆又有好同學。
真係幾好用嘅，佢係圓頭筆，但又好容易壓扁到好似平頭咁，又比平頭多咗層次，係吸水弱d，但你唔係吓吓都要多水嘛。
用用吓貂毛筆覺得佢畫得太順，線條太流暢（欲加之罪，何患無詞），唔係畫乜嘢都啱，呢枝吸水少，筆鋒唔暢順，令你畫嘅時候疾吓疾吓咁仲自然（賤骨頭）。
有日，老師講開，先知佢『話』係狼毛，但咁嘅價錢，好大可能係狗毛……😨
不過我都係鍾意水彩，好少畫acrylic，上完堂都冇用過。
