畫畫 - 伽路蘭休憩區 （水彩）

呢個地方好得意，好夢幻咁。
天嘅層次斜斜哋應該靚d，仲可以強調到遠近，更有空間感。
紅藍過渡得唔自然，混合嗰層好似深色咗暗咗，點解呢？係唔係隻紅色嘅問題？我用咗一種暗d嘅紅，定係我重疊多咗而唔係等兩種色自己走埋一齊？
豎起嘅一枝枝畫到好岩巉，幅畫細有時都有局限，畫細節就要畫得更細。好彩顏色都畫到深淺唔同。
草地嘅綠色幾靚，但天嘅黃色就太濃，令到幅畫好唔真實，個場景本身都已經好夢幻，加上個咁實嘅黃就更似繪本插圖。
我本來只係想畫黃昏，一直都以為自己朝住寫實咁畫，但係咪當我決定用呢隻黃色嘅時候，其實我已經走向超現實呢？
下次畫番幅藍天白雲睇吓咩效果。

Cotman on Saunders Waterford 190g rough 5.5"x7.5"

.