第一堂嘅圖係老師自己嘅畫，彩虹色嘅天同雲。
睇老師示範時覺得佢畫到d雲一撻撻、黑鼆鼆，好似好求其咁，點知到幅畫乾咗，我哋喺位睇出去，天係天，雲係雲，顏色變得豐富又立體，😆我諗我嘅問題係總唔記得水彩乾咗會變淺色，覺得畫緊嘅時候就應該得到想要嘅效果，所以最後次次都變得冇乜色。以後係唔係應該大膽d撻d深色落去？
一路都用緊190g嘅紙，太濕就會縐起，水或是顏料會聚晒喺度，就算四邊貼晒膠紙都冇幫助，點解老師冇mount住張紙都唔會咁嘅？anyway，我已經買咗300g紙，希望會好d。
講番我自己幅畫，畫個天都冇乜問題，除咗d水聚埋一齊，要索番同加色。
但畫雲下嘅粉紅色就開始不受控制咁好規律，筆筆一樣長，相距一樣闊，都唔知自己做乜。
老師行過睇唔過眼，親手幫我加咗雲嘅深色部分，😢佢未試過畫我嘅畫架，我今次一定係好唔掂。
今堂構圖好簡單，而且個天咁多色彩，我唔想再 re-touch，而家雖然淡色，但好過變灰晒。
個海同隻船仔都好簡單，所以，好快就畫完。
黃色部分我特登用咗少少冷黃色，等佢光d，暖黃之後仲用咗 raw sienna，效果係我好鍾意嘅黃昏色．
再上少少有d混淆，就係因為d水沖咗落去，不過ok啦，當煙霞啦…
張紙濕咗直向咁縐起咗兩行，積咗水，於是呢兩行就淺色咗，雲朵排得更整齊，
忍唔住用布索咗一下，中間舊雲就留咗個白印，多手之過。
雲朵之間一定要留番天嘅顏色，如果唔係會冇咗天嘅空間同高度。
d雲冇立體感，但因為顏色靚，所以成幅畫都好似幾靚。
 |
| Cotman on Saunders Waterford 190g rough 15" x 11" |
沒有留言:
發佈留言