鵝肝 mousse配酥皮幾夾，唔算『漏』，不過應該好肥。
rhubard呢種東西我聽得多，從未見過食過，據說我今次食咗（係後來睇番 menu先知），但冇乜感覺到佢嘅味道。
上面嗰 pat mousse個形態又係好難捉摸，愈睇愈眼花，完全唔知點落筆起稿，終於決定用木顏色好似素描咁起稿。
我索性用水溶木顏色打一層底先，固定咗大致形態同範圍，咁會容易畫好多，既然用木顏色於是用咗 hot press instead of rough。
雖然用咗木顏色起稿，我都係冇能力畫到實物咁整齊有緻嘅唧花，唉，每次遇到呢種有層次嘅物體，我就會愈睇愈眼花，腦都亂埋，完全分唔到佢嘅來龍去脈。
顏色都算調得近似，不過完全唔似鵝肝mousse唧花，有 d硬，似一片片生果疊起多 d，最後仲手多勾咗兩條唔啱位嘅深色線，仲要唔暈開佢，都唔知自己嗰吓想點。
酥皮面嘅顏色都 ok，不過暗位就差 d喇，尤其是旁邊唔金黃嗰 part，層層酥皮之間嘅陰影唔啱色，唔啱形狀。
 |
| Schmincke Akademie on Saunders Waterford 190g hot press 7.5"x5.5" |
沒有留言:
發佈留言