我揀呢幅圖係因為佢本身已經好有層次，我只有4枝 marker，但一般都只用3枝，好少用到T9，呢幅用得算多。
唔知係因為枝筆冇墨定係混色唔好，效果好 streaky，不過我當佢係山嘅 texture。
一定要買枝 blender，用嚟畫 fade out，我想用嚟畫天。其實 blender係 blend唔到，唔明點解會叫 blender，根本 copic marker本身就好容易 blend。
咁大範圍上色，我都係直接倒墨水落紙，但墨水同水彩完全唔同，一落即乾，顏色之間完全冇溶合，我後來加工上色亦冇乜佈局可言，於是變得一塌糊塗。
星星係用白色 acrylic灑上去，再用 gel pen加工，畫到好卡通咁...
準備迎接 0 like....
當我第一次去歐洲，喺公路邊見到一種建築物，白色，好似一個巨型鮮奶樽咁，上面不斷冒出滾滾嘅白煙，被周圍嘅寧靜、高山、松樹、綠草襯托得好有童話氣氛，我仲特登落車影相。到好耐之後我先知道，嗰個係核電廠嘅煙囪。
諗吓自己用幾多電，我都要負上責任，但係唔係一定要用核能呢？alas...….
用 copic畫大面積真係好難，呢幅下部份深色嘅係樹林，我係直接倒墨水落去，copic墨水一倒去紙度好快乾，應該同紙質有關，marker pad會可以抹開，同有小小 fade out效果，但普通紙就會直接吸收留低好乾脆嘅圓形。
而家睇起嚟都唔係唔似黑煙，hmph...whatever啦...反正表達到烏煙瘴氣。
建築物畫圓咗，似船多 d，我總係畫唔到畢直，畫乜都圓圓哋。
去請教吓 google，google話溪水河流、雨後葉尖樹梢都可以 drool，但總覺得唔夠貼切（可能因為我英文知識所限，drool唔係咁），再揾吓，原來，豬籠草都會 drool，嗱，豬籠草嘅 drool就似我認知嘅形態嘞。
總係愈做愈差，幾塊葉好似疊埋一堆咁。
本來諗住係 magic spell of nature，不過畫完又覺得唔係好啱咁，唔....
d 極光畫到好似晾床單😆，似乎應該深色d，呢幅畫已經用咗好多墨水喇，不停咁加色，加極都好似冇色，或者要放膽加深色，一味加 T0都唔係辦法。
加深咗d光，我畫光總係不期然留白，結果係太白太平。
又 soften咗光嘅邊緣，希望冇咁似布啦。
本來想畫 campfire烤雞或者豬，又係上網揾圖 distract咗自己。
揾到烤豬嘅圖片，但見到成隻豬被架喺火上烤，感覺好赤裸裸嘅暴力，決定扮 vegetarian，畫烤蔬菜，改揾 vegetable shaslik，😄見到幅圖又忘記咗本來計劃中嘅 campfire，冇咗 campfire，即係冇埋大自然，哎....
串蔬菜唔難，個燒烤架同火先難，燒烤架好 blank，本來諗住加一層深色，後來覺得如果個架深色咗，會搶咗串蔬菜嘅 fo。下面嘅火同炭本來應該滿滿咁，但都係覺得保持背景簡單好d，架同火，象徵式就算喇。
其實呢種係 roast定 grill呢？
加咗小小火，好似顯得串蔬菜唔夠色咁添，hmph.....
