inktober 2018 day 7 #exhausted

呢個 prompt都幾容易，因為好多嘢都就快 exhausted，尤其係天然資源，希望喺真正 exhauseted之前揾到代替品，但消失咗嘅物種，就冇可能再出現，當其他物種逐一消失，世界失去平衡，人類會點？

當我第一次去歐洲，喺公路邊見到一種建築物，白色，好似一個巨型鮮奶樽咁，上面不斷冒出滾滾嘅白煙，被周圍嘅寧靜、高山、松樹、綠草襯托得好有童話氣氛，我仲特登落車影相。到好耐之後我先知道，嗰個係核電廠嘅煙囪。

諗吓自己用幾多電，我都要負上責任，但係唔係一定要用核能呢？alas...….

用 copic畫大面積真係好難，呢幅下部份深色嘅係樹林，我係直接倒墨水落去，copic墨水一倒去紙度好快乾，應該同紙質有關，marker pad會可以抹開，同有小小 fade out效果，但普通紙就會直接吸收留低好乾脆嘅圓形。

而家睇起嚟都唔係唔似黑煙，hmph...whatever啦...反正表達到烏煙瘴氣。

建築物畫圓咗，似船多 d，我總係畫唔到畢直，畫乜都圓圓哋。