inktober 2018 day 21 #drain

今年我好依賴 google，每個 prompt都喺網上揾圖，揾 drain我諗住會出現農田同灌溉系統，點知出嘅全部係去水位，唔通我唔識呢個字？

去水位就啱晒，舊年去台北見到上山路上嘅去水位好靚，設計好好，重點係幾容易畫。

hmph…...d畫影咗相問題會比較容易睇到，畫嗰陣覺得 ok，而家睇相就發現畫唔啱個結構，要繼續畫至得。

張相嘅角度係從上向下影，睇相冇問題，但畀我畫出嚟就小小怪。

就修到咁啦，唔記得係 miss ho定蘇sir話：畫係畫唔完嘅，修極都可以繼續修。

意思唔係叫我哋不斷精益求精，而係要記住『過猶不及』。（自己懶都搬老師出嚟😆）