inktober 2018 day 10 #flowing

flowing，好直接諗到河流，但揾到嘅河流圖片都好難畫得好，後來諗起瀑布都可以 flow，呢幅圖有好有層次嘅石，好好畫。

唉，點解我今次 inktober幅幅都要跟圖片畫咁冇創意嘅？舊年我每一張都係自創架，係唔係因為 d畫都偏向 surreal呢？而今年用 nature做主題，冇圖片參考唔能夠憑空畫出大自然嘅事物，同埋畫風係比較寫實，唔同舊年比較似插畫，冇乜立體明暗。

d石都幾好，算表現到層次。

瀑布都畫到水流，但表現唔到瀑布衝起嘅水花，唔知點畫。有白色 gel pen幫助好大，可以畫完加上去，唔似水彩要留白。

背景本來係一片樹，但我唔想花時間畫，而且我實會畫到好實，仲會將焦點分散，所以決定好抽象咁畫一堆好淺色代表樹幹，但係而家睇番，唔知會唔會令人以為係個瀑布嘅上游。

臨時想加幾點水花喺旁邊石上，但冇帶筆，用咗塗改液點咗幾點。加咗有動感好多，應該加多 d。