inktober 2018 day 31 #slice

form 1學過 shale同 slate呢兩種岩石，詳情唔係好記得，但唔知點解名稱印象深刻。

今次為咗畫頁岩，search 吓先發現原來頁岩就係 shale，東坪洲就係由頁岩形成。

畫完再揾多 d頁岩資料先知道我畫嘅就係好著名嘅更樓石，睇清楚我畫得好唔似囉....，不過我覺得應該都睇得出係頁岩地形嘅。

今次我已經好自覺咁將線條畫直，但喺一次次加深色之間，又不自覺咁彎咗，唉，仲要畫完先發現。

除咗 d石彎晒，仲覺得太平淡，應該又係我畫到明暗唔明顯啦，但我唔想再畫更深色嚟補救，

而且個天空咁白好唔平衡，不過咁大範圍，用 marker畫一定失敗，於是決定再出動水彩。

加咗顏色幾靚，但石前面嗰兩個水氹係咪唔應該同個天一樣顏色呢？搞到堆石好似飛咗上天咁....，比畫彎咗d石影響更大，一定要改。

修暗咗兩個水氹，好咗，
但加咗對岸 d山，唔.......hmmph…

我諗，就算參考圖片嘅明暗唔明顯，都唔可以跟，一定要誇張 d。我成日都好 stupid，好 stubborn咁乜都跟足，效果非常 dull。

呢幅係 inktober 2018最後一幅，今年又順利完成，覺得好開心。

好幾幅我自己覺得畫得幾滿意嘅，結果冇乜人 like，相反，我準備好 0 like嘅，好似 star嗰幅，反而仲多人 like。