畫畫 – poppy（水彩）

嘗試畫得 lose d，同埋唔疊太多。

雖然後加 emphasize嘅 strokes畫得粗糙咗 d，花嘅混色少少混亂，但都算畫到想要嘅效果。

我最滿意係左下嗰個 flower bud😂，但其實本來覺得：『哎，又畫歪咗…』
可能畫畫就係事前要細心安排，到落筆又唔好太刻意咁啦。

Schmincke Akademie on Saunders Waterford 190g rough 7.5"x5.5"

畫畫 – 蟻（木顏色）

我覺得會捲起嘅植物造型真係好得意，呢個仲捲住咗滴水，隻蟻捧住滴水喺度飲，如果唔係 video（https://www.instagram.com/reel/CPpRZCgprxj/?utm_source=ig_web_copy_link），我會以為係假嘅，睇住佢個肚愈嚟愈漲，真係好得意。

唔係好上到色咁，深色唔到，唔知係筆嘅問題定紙嘅問題，成日諗住用 baohong block，但次次都好順手咁用番本 canson sketch book，哦？原來都系出名門喎😁

Koh-i-noor hardtmuth magical pencil

畫畫 – power house of Boldt Castle (wetcanvas aug 2020 challenge)（水彩）

呢座建築物形態好靚，畫多幅可愛版。

好似都係 contrast唔夠，棵樹應該加番枝幹，唔識畫『可愛』嘅水同天😂。

Schmincke Akademie on Saunders Waterford 190g rough 7.5"x5.5"

畫畫 – power house of Boldt Castle（wetcanvas aug 2020 challenge）（水彩）

我諗我 d畫好唔水彩樣係因為經常反覆咁疊色同修正，所以今次我好認真咁起稿，同諗清楚先落筆。

我都唔知算唔算做到，不過幅畫好似冇平時咁悶，整體都好滿意。

建築物暗位加咗 magenta，幅畫多咗色彩。

河水揀啱色，畫少咗橫線，冇之前嗰 d咁似張氈。咁大嘅範圍有冇需要有顏色變化呢？好彩有個倒影調劑吓，不過係唔係太多留白呢？

而個天呢…，如果我冇將深色嗰一塊擺喺兩個尖頂中間就好嘞，畫嗰陣完全冇留意，畫完先發現。

明暗都係唔夠，我總係唔敢用太深色，驚深咗唔好睇就救唔返，然而前面棵樹似乎深色咗，有 d搶 fo。

建築物都係歪斜，點解人哋可以畫到好啱比例、線條好俐落嘅？喺 instagram見有位畫家畫建築物，徒手畫直線弧線，乾淨俐落，高手總係令事情睇起嚟好容易咁嘅。

堅持用細紙，因為冇地方擺，有機會再上堂先用 A3啦。唔知我會唔會有一日畫兩開紙呢？呀…，其實我畫過喎，小學時用過咁大嘅紙畫咗一隻鴨（應該係）送畀人，都唔知當時點用枝細細嘅 cheap cheap水彩筆畫咁大幅畫。

Schmincke Akademie on Saunders Waterford 190g rough 7.5"x5.5"

畫畫 – power house of Boldt Castle（wetcanvas aug 2020 challenge）（素描）

Boldt Castle喺 St Lawrence River中間嘅 Heart Island上面，呢條河喺美國同加拿大中間，Heart Island係屬於美國嘅。1900年，一個商人起嚟送畀佢妻子，不過結果都冇住過，每一個古堡都有自己嘅故事。

畫中嘅唔係 castle本體，係佢嘅 power house，靚過 castle本身好多喎，點解嘅？

其實呢幢建築算唔算係 castle呢？
係唔係要有防禦嘅功能，有城牆、護城河先算？
定係夠大就得？

需唔需要一定係磚砌？

呢幅素描其實係 value study，不過知道自己唔識簡略，所以一開始都打算認真素描。

畫唔到磚牆上嘅凹凸，我估水彩版本都應該畫唔到架喇。
雖然 d建築物畫到歪斜咗，不過都畫得幾靚😁

再見，蘋果

曾經鬧過蘋果新聞裡面好多錯別字，

亦鬧過記者詞彙用得唔啱，

有時又好討厭佢哋將新聞娛樂化，感覺低俗。

但無論如何，都係一直訂，一直睇。

講再見，真係希望能夠再見。

紅樓夢 15．賈寶玉的啟蒙進程 ：度脫模式 – 臺大開放式課程（歐麗娟教授）

這節影片似是緊接著上一課，估計實體課堂編排跟網上不同吧。
一按進去教授已經在說著，我有種上課遲到的感覺。

頭三分鐘已經有n多我聽不懂的詞彙…

聽不全懂也沒怎麼妨礙理解課程，不過我覺得，教授所說關於內容的理解，其實我也知道、明白，但就是沒能力化作文字或語言，有條理地表達出來，所以錯過了她的用詞，我真是感到很遺憾的。

就好像某朋友去上管理課程，上了兩課不再去了，他說：『教的我全都懂，我日常就在做。』但他不懂得怎樣將他懂的做的化成有條理的文字語言說出來啊，結果考試也不懂答題，當然也拿不到能證明他懂的證書啦。

當然我不是要考試，可是心裡模糊地明白，跟能有系統地表達是兩回事。

正如教授說：『你不能說他不合理就是不合理，你要說出個道理來。』所以，讀書就是學習如何整理思維，化為文字和語言。

15-17這三課看起來沒甚麼趣味，以後才認真地聽，現在就只約略地記一下，先佔一個位置，因為不想這 label的次序都亂了。

~*~*~*~*~*~*~

賈寶玉從一個自我中心的小孩，慢慢變成懂得跟社會互相協調的人格，其中經過四次的啟蒙。

書中第一回，一僧一道說：『趁此何不你我也下去度脫幾個，豈不是一場功德？』
日本作家青木正兒針對『神仙道化』題材而提出『度脫劇』類型，度脫，就是『得度』和『解脫』。

度脫劇的構成要素包括

1.   被度者 – 通常都有特殊出身來歷，流落人間的仙，妖之類

2.   度人者 – 都是仙、佛人物，智慧老人般的存在
3.   度脫不會一次達成，元代度脫劇都經三次失敗，第四次才成功

元代度脫劇一般強調度人者的非凡智慧和能力，並不重視被度者方面的描寫，可是紅樓夢卻集中在描寫被度者（主要的賈寶玉）的演變，度脫者亦不是仙和佛，而且度脫亦不止三次。

（那麼，為甚麼教授會帶出元代度脫劇呢？原來是因為脂批。）

第二十五回，僧道救回寶玉，脂批說：『三次煆煉，焉得不成佛成祖。』

書中僧道雖然同時出現，一起度脫，事實卻存在分別

（感覺這一課有點摸不著頭腦，並沒有說到寶玉的啟蒙進程，最後三十分鐘都是闡述僧道相異之處，就突然完了，可能下一課繼續吧。）

~*~*~*~*~*~*~

筆記大綱：

一）傳統度脫模式的挪借與超越

        （一）度脫劇的構成要素

        （二）賈寶玉的啟悟經歷

                （1）性啟蒙

                （2）出世思想啟蒙

                （3）情緣分定觀啟蒙

                （4）婚姻觀啟蒙

二）西方的『啟悟故事』與『男性』的成長小說