縮水人間 downsizing

呢套戲我expect咗好耐，因為主題好吸引我，講人類可以縮細到得5吋，男主角同老婆決定縮細，但男主角完成咗程序後，發現老婆臨陣退縮。
咁我以為會係講男主角點用5吋嘅身體去揾番個老婆，會遇到意想不到嘅size帶嚟嘅阻礙。
點知....
都係由頭講起
1.
進行縮細前，要剃晒全身毛髮，拔晒d牙，有一幕話有人拔漏牙，縮細程序中個頭畀隻巨大嘅牙撐爆咗。點解骨骼可以跟住縮細，牙又唔得呢？
男主角仲有眼睫毛，又得？係好難要演員連眼睫毛都剃埋，但可以用cg吖，或者唔好影大頭囉.....
而且剃頭都仲有髮根喎，點呀？
2.
大部分人願意縮細，都係想以有限嘅錢過豪華嘅生活。
所以男主角喺leisureland係住一間好豪華嘅獨立大屋，但只見佢喺間屋沖咗個涼，下次再見佢已經住apartment，格局仲好一般，好中下階層咁，然而佢樓上嘅住客間屋好豪華，仲大到有幾百人開緊party。
3.
一下子，套戲嘅主調就變咗，一班人預見世界末日，要走入地底過渡下一個文明。
講到咁大做乜？用環保做引子帶出縮細技術就夠啦，仲要講到縮細都幫唔到喇，地球會毀滅喇咁，感覺只係為咗畀個生離死別場境男女主角。然而亦係setup唔夠，冇張力，除咗女主角嘅眼淚，睇唔到感情。
4.
女主角係個亞洲人，初初佢做清潔工人，都幾搶鏡，後來同男主角成為一對，我覺得格格不入，可能係外表唔襯，但更大原因係冇鋪排，really awkward。
5.
有d 人物唔知做乜，唔覺對劇情有影響。
好似去到norway，有個好noisy嘅女人，出嚟擾攘一番，做乜呢？
有個喺縮細世界出生嘅bb，已經長大成為一個年青人，見佢只involve party同sex，係咪有啟示作用？

套戲究竟想講乜？
包裝成一部娛樂電影，但講落sell環保，又提吓強權欺壓異見份子，and then話，環保嚟唔切喇，準備世畀末日啦！
我諗住去笑吓，或者溫馨吓，心態調節唔嚟喎，
就算有觀眾調節到，準備聽佢講地球前途，佢又只係提一提就過。

雖然係我鍾意嘅genre，但如果唔係matt damon，我都唔會睇。上次入戲院都係為咗佢部 the martian。
不過佢嘅戲真係唔及dicarpio，可能係本身性格同生活嘅關係，總係有小小拘謹，尤其是感情戲，好似嗰套 adjustment bureau咁，唔夠放唔入戲嘅感覺。

All in all, 爛片！

縮細應該可以解決人口問題，但邊個去統籌同執行？即係變相畀某d人控制咗，完全infeasible。我相信唔會有人願意縮細自己，雖然而家已經唔係單靠體力嘅時代，但睇電影嘅設定，細世界好容易畀人連根拔起掉落垃圾筒。除非細世界有高科技自衛系統，但咁有錢就唔使縮細自己啦。