今次整濕張紙上一層色先，但全部走晒位，下面朵花走位太遠，唯有改方向。
朵花真係一枝枝咁畫，係唔係好 raw？感覺水彩畫唔應該咁畫。
葉嘅顏色冇變化，畫嗰時對住各種綠、黃同藍，但都係搵唔到顏色擺上去。😓😓
下面嗰朵雖然改咗方向，不過都好似幾靚，冇上面嗰朵咁生硬。
 |
| Schmincke Akademie on Saunders Waterford 190g rough 7.5"x5.5" |
朵花畫得唔係幾好，試吓用 hot pressed 紙會唔會有其他效果。雖然 hp會出水痕，可能仲難表現一朵咁嘅花，but who knows，試吓先。
本來我淨係整濕個圓形，擺顏色喺中心，等佢自己化開，可能係我放太多顏料啦，效果好差，試咗幾種畫法都唔得。
hot press都幾難控制，邊緣好難暈開，實有條實色邊，決定都係成張整濕，畀多 d空間 d顏色隨意發揮，睇吓會唔會好 d。
今次我冇換張新紙，因為 hp同 rough唔同，冇紋理，底面睇同摸都一樣，所以的用咗背面再試。
（以為畫咗嗰 d會畀水浸到甩色、化開，點知冇喎，浸咗成個鐘，乜事都冇，唔知係因為紙定顏料。）
（以為畫咗嗰 d會畀水浸到甩色、化開，點知冇喎，浸咗成個鐘，乜事都冇，唔知係因為紙定顏料。）
平時就算四邊貼咗膠紙，濕咗都係 buckles，水同顏料聚晒喺中間，呢次連背面都整濕埋，直接貼喺枱面，好平伏，而且冇咁快乾。
效果幾好吖
乾咗之後加咗幾筆，唔知人哋 get唔 get到我想表達嘅花係乜嘢樣，但我覺得幾好。
不過同一向畫第二次嘅情況一樣，所有細節都更粗糙。😑
 |
| Schmincke Akademie on Saunders Waterford 190g hp 7.5"x5.5" |
沒有留言:
發佈留言