畫畫 – 路邊小花（水彩）

呢種花好奇怪，朵朵嘅花瓣都唔同數量，唔知係甩咗，定係疊住咗，定真係生得咁不覊。
（定係我眼花？）

Schmincke 嘅紫色有 granulation，好靚，好適合做背景。

本來冇諗住用黃色，畫畫吓 d顏色開始乾，一心急就亂攞色，下半截顏色都幾好，

上截黃色完全唔啱 mood，清新嘅小花點可以黃黔黔？

花瓣畀我畫到好硬，好似蝴蝶結咁，可能係花瓣上嘅線條太生硬。

都係要買番枝 masking fluid，唔係 for白花，花反而可以留白留到，下面幾枝打橫伸出嘅枝幹本來想用淺色，咁幼我留唔到白，唯有用深色畫上去，都係畫得好硬。

如果有心情都會再畫過，而家同我想像差太遠。

Schmincke Akademie on Saunders Waterford 300g rough 7.5" x 5.5"

畫畫 – 假馬鞭 stachytarpheta jamaicensis（水彩）

今日去咗遠足，目的地唔遠，但行咗三個鐘算唔算遠足？anyway，係屋企後面個山，雖然已經被開山擘石起咗好多屋村，但都仲係一個算係接近『自然』嘅地方。

路邊有好多細細棵嘅植物，唔知係特意種嘅，定係野花呢？我每次見到呢 d花仔，都會諗起劉心武講嘅『苔花如米小，也學牡丹開』，朵花幾細都好，一樣有枝有葉，有齊花萼、花瓣、花蕊，生命真係神奇，就好似 bb咁，咁細個都有齊心肝脾肺腎😄

唔知呢種花嘅名，以前識個朋友讀植物學，好耐冇聯絡，如果唔係，畀佢睇佢一定有答案。
（原來佢叫做假馬鞭，學名 stachytarpheta jamaicensis，又叫長穗木）

葉用 negative painting勾出嚟，好勉強咁畫到少少，不過 d葉其實冇咁大塊。

兩朵花仔本身紫色 d，我用色偏藍咗，如果調到嗰隻紫色，幅畫會冇咁悶。

Schmincke Akademie on Canson Montval 300g cp

澳洲網球公開賽 The Australian Open （8-21 February, 2021）

因為 pandemic嘅關係，今年參加 ao嘅球員要坐大會指定嘅幾班機去澳洲，仲要先去 adelaide 隔離14日，然後轉到 melbourne比賽。

14日要全日留喺房，每日只有兩個定三個鐘可以出去練習。

其中有一班機好似有 confirmed case，搭呢班機嘅球員（同 entourage？）隔離得更徹底，完全唔可以離開間房，所以球員都好不滿，又係嘅，有乜可能 grandslam前14日唔練波？之前喺instagram 見到好多片見球員喺房對牆打波，我仲以為係 d咩 challenge，後來先知道就係呢班球員無可奈何咁想辦法練習。

djokovic真係唔好彩，佢就係搭呢班機。

adelaide係唔係一個冇咁先進嘅城市，酒店冇咁好？有球員房裏面有老鼠，instagram睇到，仲要肆無忌憚，日光日白都走出嚟，好得人驚，真係想像唔到酒店會有老鼠。

anyway，都過去喇，大家都完成咗 quarantine，比賽順利開始咗，到今日已經完成咗 fourth round，明日就要開始 quarter final喇。

djokovic vs zverev
dimitrov vs karatsev
rublev vs medvedev
tsitsipas vs nadal

federer冇參加，wawrinka 2nd round已經出局，

其他出局嘅仲有 kyrgios，nishikori，schwartzman，shapovalov，thiem，raonic，

仲有 tomic，嘩，佢總係好似唔想打，但又次次都由 qualifying round打上嚟，究竟佢仲想唔想比賽？佢 round 1對手打到第三 set retire咗，佢直接入咗 round 2 ，然後，然後就輸咗，哈！

tsonga呢？del-potro呢？退咗休定受咗傷？

成個 draw 128個球員，識嘅都係嗰十幾個，有印象嘅又得十幾個，其他都係新人。

新人一波一波咁出現，top 20都更新咗幾次，但 top 3都係嗰三個。

賽事已經去到 quarter final，打完 3rd round，djokovic表示佢受傷可能唔可以繼續比賽，不過，最後佢都比賽到，仲贏埋添。
好多人話佢做戲扮受傷，但佢呢個 tour真係唔係好順利，除咗 round 1 3 set straight，round 2-4都要 4或 5 set，
反而 rafa一直都係 3 set，一 set都冇失過，
咁嘅狀況……，今年有冇可能贏到呢…？

~*~*~*~*~*~*~*~

quarter final

head to head 6-1，tsitsipas贏嘅一次竟然係 clay court，2019  madrid，咁神奇？

rafa贏嘅六次，有四次 hard court，雖然比賽係一次還一次，但睇到咁嘅往蹟，作為一個唔識打網球嘅 fans就放心好多嘞。

兩 set打到 tie break，djokovic好似真係受咗傷，有一場見佢搽藥膏喺個肚度，😕肚仔痛…，拉傷腹肌？

呢 pair邊個贏都好啦，不過冇諗過 dimi會輸，karatsev排名 114啊，career high 111啊…，雖然話比賽睇臨場，但係……，小宇宙係點樣 suddenly爆發嘅呢？雖然佢頭兩 round對手都係 small potato，但3rd round贏咗 schwartzman喎，rafa都打到半條人命嘅 schwartzman喎…，sf 對手係涉嫌受傷嘅 djokovic，會唔會繼續有突破呢？

下半遲一日打，又嚟！少一日休息😠😠😠

兩個 russia 球員

OMG，贏兩 set先都輸，可能係第一次啊😔

仲諗住今年又有突破。

4 個 semi-finalist，除咗 djokovic 1987，其餘 3個分別係 1993、96同 98，
zverev 1997，thiem 1993，

big 3 時代仲可以維持幾耐？

ao 2021，對我嚟講，完。

畫畫 – Crinan Lock （wetcanvas feb 2021 challenge）（水彩）

今日決定要認真畫吓畫，去 wetcanvas睇今個月嘅 challenge，其實幅圖唔係好吸引，不過我覺得要當上堂咁，老師叫畫乜就畫乜。

個景係 scotland 嘅 crinan canal（完全未聽過，每次去 wetcanvas都令我覺得自己見識太少），lock，唔 exactly知道係乜，更唔知中文係乜，我相信係水閘，蓄水或放水調節水位，船就可以由一段去到另一段。crinan canal有15個 lock咁多，panama canal都係得12個咋。

anyway，畫嘅時候我以為係隨便一個小碼頭，睇唔到有乜特別，可能有 d canal lock嘅 characteristics畀我忽略咗，於是更加似一個普通小碼頭，以後都係要先去 search一下個 background先畫會好 d。

個天太淡色，d 雲唔出，不過係唔係就咁好呢？喺呢幅畫，個天只係背景。

原圖嘅樹好多層次，我冇照畫，因為我估我畫層次會畫到好亂，顏色又會變得渾濁，所以我 wet on wet畫到算有少少層次就算，顏色都算幾好。今次我冇畫到山頂平咗，好似禿咗咁，因為我趁顏料未乾，用蓬鬆嘅乾筆掃，然後再加幾筆，睇落都幾似遠遠山頂嘅樹，係唔係？幅畫真身似 d架。

我覺得，今次幅畫好似冇平時嗰 d咁平（都係平平哋），
我覺得，係因為加深咗個燈塔同屋兩邊嘅樹，令佢哋突出咗，同埋，我特別小心咁描個燈塔嘅線，因為佢係主角，要畫得細緻 d。

唔係好交代到啡色部分左邊嘅結構，不過整體嘅明暗都做到，景深同距離畫得唔錯。

唉，中間隻船仔就畫得好差喇，跳晒 tune，明明好畀心機畫，hmph。。。

水，都係咁啦，唔水樣。

因為冇 masking fluid，欄杆冇留白，於是，第一次用咗白色水彩，諗過用 acrylic，不過懶搵出嚟，而且就算用到白色，都係唔想水彩畫有 acrylic。
都有諗過將所有欄杆變成深色，直接加上去就得，不過都係決定忠於原著，挑戰吓自己。
畫嘅時候個白色幾明顯，我仲好開心以為畫到欄杆，但乾咗變咗半透明，於是我用深色加 d暗位，都算 outline到 d欄杆出嚟啦。
右邊仲有一截桅杆，又係白色，雖然加咗暗位，但都係隱咗形。

之前用 cotman特登唔買咁多色，比較多自己調色，用咗 schmincke總係用原色，唔記得咗調色，畫出嚟幅幅都係咁嘅色，不過，overall都算畫得幾好。

Schmincke Akademie on Saunders Waterford 300g rough 7.5"x5.5"

畫畫

work from home梗係唔會全日 work，邊講電話邊執嘢，今日執咗 d畫具。

上堂畫嘅 4K size都唔少，已經儲咗一大疊，平時畫嘅 16K就更多。

呢度只係水彩畫，仲有木顏色、碳筆同marker，就嚟冇地方擺。

我畫嘅畫都唔捨得掉，畫得好要留低，畫得唔好一樣留低，用嚟試色、試筆觸，所以平時都係畫 16K，慳 d儲存地方。

喺角落搵返呢張超細嘅，係 wetcanvas嘅 monthly challenge，都唔記得點解會用咁細張紙，好笑，不過都畫得幾靚吖。

Cotman on Saunders Waterford 190g rough 5"x2"

睇返以前 d畫，都畫得幾好咁喎，

朵花係跟圖片畫，顏色太實，另外兩張都係自創嘅，雖然條彩虹粗糙咗 d，但整個景都好順眼。

嗰時好好心機，個火窩逐樣畫，而家睇番覺得唔錯。

以前畫畫比而家有耐心同創意，近年真係沉迷咗玩電話，做乜都唔夠投入，要改吓。

畫畫 – 小屋&樹（水彩）

又係唔使起稿嘅畫，畫幾個圈就得。

背景冇色好似蒼白咗 d，會唔會因為後面兩個山用咗灰色？

幾隻雀仔好似大隻咗，樹枝都大咗。

幾棵樹嘅顏色幾靚。

Schmincke Akademie on Baohong 300g hp 7"x5"

畫畫 – 聖誕樹（水彩）

本來想畫一棵好瘦嘅聖誕樹，然後就冇諗過背景會係點，瘦嘅聖誕樹要畫出枝幹，因為唔想亂畫一舊綠色，結果畫出嚟都唔瘦，不過都有好耐心咁逐枝畫，形態同顏色都自然，幾靚呀。

個背景都幾滿意，半圓形嘅窗係諗起 shape of water嗰隻窗，有諗過逐舊磚畫，因為我睇過人哋真係咁畫，但都見過人係咁意畫幾舊磚喎…😌，而家咁都幾好吖，白色牆本來想畫少少 detail，喺牆身縷花😂好fancy咁，不過懶搵 reference，都係算啦，而家好寒酸，真係一分耕耘一分收穫。

同樣道理，棵樹同 ornament我好耐心同小心咁一筆一筆畫，冇令自己失望，本來淨係掛波波就算，不過有 d blank，決定加條 ribbon，又唔想用 acrylic，所以唔係好畫到，我由底開始畫，好好心機咁想像佢嘅走勢，加上嗰層背景係白色，所以都算成功，上面幾層背景比較亂，開始冇心機跟住條 ribbon走，開始亂嚟。

樹下應該堆滿禮物先有節日氣氛，又係因為我…啦，
而且，而家咁低調 d都有憩靜閒適嘅氣氛吖。

呢幅畫有一個位係我最滿意（其實都唔可以用『滿意』呢個詞，因為只係唔覺意做到嘅，話滿意就好似係我努力過咁），就係個缸邊，虛虛實實好靚（可能路過嘅朋友會覺得我匪夷所思，但係呢一種就係我一向想做到嘅）。

最後呢，有諗過咁寧靜嘅畫面，好適合有一隻小貓蜷伏喺樹下瞓覺，不過，幅畫都畫完，我唔想再冒破壞成幅畫嘅險喇，小貓返房瞓啦。

咁長氣打咗咁多字，因為我幾滿意呢幅畫😁

Schmincke Akademie on Baohong 300g hp

hot press 真係比較難暈開，好容易就形成一條好實嘅邊，個缸邊可能都係咁出嚟，

但缸身都有一條我唔鍾意嘅痕，未乾嘅時候完全唔覺，激死人。

好彩呢幅畫全部都係細細碎碎嘅著色，問題唔多。hp 紙表面滑滑咁，畫嗰時筆觸感覺好舒服架，不過要學吓接受，或者克服水痕，anyway，你話我乜都好啦，我都唔係好鍾意大陸紙，我都係鍾意 waterford。