好多年前去過海德堡一次，午夜上機，落機時間係當地大清早，我喺飛機上冇瞓過，我嘅唯一瞓覺死穴就係飛機，從來冇喺飛機好好瞓過，好羨慕有 d人可以未起飛已經瞓著😂。雖然我可以玩通宵唔瞓，但飛機會熄燈俾大家瞓覺，瞓唔到但又要瞓其實好攰。
親戚揸車去 Frankfurt接我哋，唔記得點解要去一去海德堡，扮瞓扮咗幾個鐘嘅我一舊雲咁，完全唔記得喺嗰度做過乜、去過邊，只記得嗰度好靚。
唔知點解，連相都冇影過😂。呢張圖都係喺網上搵到，係唔係 Neuschweinstein（係 Heidelberg Castle先啱，而且完全唔係我畫咁樣）？anyway都係畫得唔似㗎喇，係胡亂上 d色，反覆加吓加吓就出咗嚟嘅一堆建築物😁，似建築物就好，都唔敢想佢似指定建築物喇，不過睇落都幾有質感吖。
今次個天嘅黃同橙冇咁突兀，因為加咗少少紫色 tone down咗，早就應該咁，總係唔識得調色，畫咁耐畫都仲係將顏色直接搬落畫紙，唉😌。中間個太陽唔夠光，因為留白失敗咗？
 |
| Schmincke on Saunders Waterford 190g rough 7.5"x5.5" |
睇一個電視節目，裡面提到有一樣嘢叫『葬冊』，落葬登記冊，記錄每一個落葬人士嘅資料，日期、位置、生前居所、買位嘅人同價錢，唔知仲有冇其他，唔知係唔係包括晒全香港，定只係公營墓地。
anyway，我想講嘅係，睇到其中一頁，竟然見到年份係『昭和』（節目裡，冇提到呢個年份嘅事情，但我相信係刻意嘅，otherwise，成百年嘅記錄，點解係要揭呢一頁？），初時大惑不解，後來諗到應該係關三年零八個月嘅事，雖然我冇親身經歷過，但唔知點解，我一直都好有感覺，可能係細個時聽婆婆講過，呢段時間對婆婆一家有好大影響。
好多人都係自從一部電影之後先知道 731嘅事，但我更早已經喺書度睇到，裡面敍述嘅事情太過不合常態，當時太細，亦未知道戰爭嘅事，所以都係當奇幻故事咁睇，後來，當然仲睇到其他記載啦，hmph⋯
過咗咁耐，生活上都買咗好多日本產品，近年都有去日本旅行，但次數係寥寥可數，一向都冇好鍾意日本。
好多人鍾意佢有儀式感，喜歡嗰種氣氛，覺得有文化，亦有人鍾意佢禪意嗰種閒適恬靜，但諗到三年八個月裡面嘅事情，我覺得好分裂。
我又冇憎恨日本嘅，只係冇好似大多數人咁鍾意，仲要鍾意到叫『鄉下』😂咁啫（我嘅鄉下係香港呀！），同埋唔會無條件咁覺得日本人一定係好人囉。
無論咩情況、幾唔開心，到咗瞓覺嘅時間，都可以毫無困難咁瞓著（但需要嘅時候，又可以玩通宵唔瞓跟住直踩返工都得，係咪好神奇呢），就算喺街都會好安心咁瞓（以前成日去夜街，一班朋友唔想返屋企，周圍流浪，瞓麥當勞試過、瞓酒店 lobby又試過，唉，都幾曳），當然有瞓唔著嘅朋友喺身邊負責守衛啦，但我瞓嘅時候係唔知佢會瞓唔著㗎😁
曾經持續咗好多年，我每日都瞓十個鐘，而家唔得喇，主要係留戀電腦同電話，愈嚟愈夜瞓。
我瞓得最長嘅一次係 24小時。當時大概五、六歲，細個好早瞓，九點鐘左右，但屋企人仲睇緊電視，我記得瞓著前播緊一部電視劇，我日日都係咁喺電視聲中瞓著嘅。
當我瞓醒，仲係播緊同一部劇，我以為自己只係瞓咗一陣，但婆婆見到我坐起身，即時話：『哎，瞓醒嗱？』跟住媽咪都走埋嚟，仲攞咗條毛巾同我抹手抹面，抹完面婆婆攞咗碗熱辣辣嘅泡飯俾我食，我又真係好肚餓喎😂，飯上面有塊豬扒，係平時嘅煎豬扒，但又同 d泡飯一齊煮過，別有一番風味，我到而家仲記得嗰種味道😋。
佢哋冇同我講我瞓咗幾耐，但我大個 d諗番，既然播緊同一部電視劇，應該係瞓足成日啦。到再後來又大個 d，諗起呢件事真係覺得不可思議，佢哋見我一直係咁瞓，冇諗住叫醒我？唔會擔心嘅咩？如果唔係我瞓醒後佢哋嘅反應，我唔會相信我真係瞓咗一整日囉😂
我仲記得，我瞓醒嗰陣唔同平時咁喺被裡面，張床係舖番好床冚，我瞓喺床冚上面，身上係另一張被，俾人咁搞都仲唔醒，豬都比我醒😂
唔記得咗嗰晚有冇再瞓，如果冇，邊個陪我過漫漫長夜？而我都冇通宵冇瞓嘅記憶。但如果又再瞓，會唔會太犀利？😂
原畫個天好 watery，我畫到好乾，筆觸明顯，色彩混合唔到。
可能因為我反覆加色，唔知點解我深色唔到。加多少少水就變得好淡色，點先可以深色又 watery？咁細幅都控制唔到水量😌
 |
| Schmincke on Saunders Waterford 190g rough 7.5"x11.5" |
終於都畫咗一幅畫。
係跟 Joseph Stoddard嘅畫畫。我好鍾意佢嘅用色，不過佢係 urban sketcher，d畫多數有建築物，我覺得好難畫。今日搵到呢張淨係樹，所以試畫吓。
好鍾意橙色嗰堆樹，顏色好靚。
d雲怪怪咁😅。
整體顏色好 vibrant，好滿意。
 |
| Schmincke Akademie on Saunders Waterford 190g rough 7.5"x11.5" |
嗰日忽然同盒水溶木顏色四目交投，於是邀請佢出嚟玩咗一陣。
買佢嗰時都仲未開始畫水彩，以為會畫到水彩效果，但其實我連最基本用水掃開都做唔好，原來唔識畫，用咩方法都係畫唔到㗎。
而家算係識畫水彩，但用水溶（紅樓夢北靜王都係叫水溶，每次睇到呢個名都覺得好好笑）都係亂嚟㗎咋，溶開佢又同水彩上色方法唔同。
不過佢冇水彩咁難控制，又冇木顏色咁花時間，幾好玩呀。
 |
| Albrecht Durer on Baohong hp |
朵鬱金香幾靚，個花冧就唔係幾好喇。
白色嘅 snowdrop用咗太多綠色做陰影，諗住用灰藍，落筆唔記得咗。
紫色唔知咩花，係唔係紫羅蘭？
古代馬雅人和今日我們稱呼星宿的名稱一樣，實在是奇怪的事！獵戶座，這是巴比倫、埃及、和希臘的星座名，和中國的很相似 ––– 秋獵戶。我們所稱的寶瓶座，是模仿墨西哥特拉羅克神 ––– 司雨之神 ––– 的稱呼。
但是，真正令人疑惑的是 ––– 人類見到天上的繁星，便把它賦上星座之名，那只是一種想像而已。東西方所見的星座， 怎麼會具有同樣的名稱呢？這可看出，古老的文明是承襲一個星座名稱表而沿用的，在這表上已賦予繁星之名。
中國黃道帶上的白羊宮，和巴比倫黃道帶的白羊座很酷似，中國的金牛宮和西方的金牛座可相輝映，中國天文學家的人馬座是巴比倫和埃及人的人馬座。雖然名稱時常相同，有時却不是指同一個星座。
中美洲和中國星座名稱的相似，非常令人吃驚，阿芝特克人的曆法上有鰐魚日、蛇日、兔日、狗日和猴日，而中國曆法也有龍年、蛇年、兔年、狗年、和猴年哩！
這些神奇的巧合，必須加以研討一番。
我們不同意傑出科學家桑提拉那，在『科學思想源始』書中，對星座名稱的說法：「毫無疑問他們是沿襲從墨西哥到非洲和玻里尼西亞的名稱 ––– 並在我們手裏沿用迄今。」
當畢達格拉斯觀測星座時，一件好事發生了 ––– 有時會聽到天空傳來聲音。按照畢達格拉斯的說法，所有星星都是活的，它們藏匿著智慧生物。他想像宇宙有具豎琴，有許多弦，會發生天籟弦音。就在同時，中國道士也有同樣的觀念：「天空存在著萬物，萬物在空中發聲。」
今日，我們知道星辰和行星是無線電放射源，這就是畢達格拉斯和道士們所說的嗎？我們的無線電望遠鏡會接收到天籟弦音嗎？
音樂曲調是畢達格拉斯介紹的，他測量了弦上的各音長度，發現了數學上的關係。
他的學校課程教導學生行星是以規律方式在運行，它們和「中央火球」的距離，不同於音樂全音階的間隔。
這又是古人早已明瞭後人在天文學上認為是新發現的一個例子。
隨著年代之增加，天文學和占星術扯起關係來了。占星術可以說是估量地球外天體與人類影響的一種藝術，陳腐的煉金術科學和占星術，免不了迷信和牽強附會。占星術曾被看成是原始天文學，然而，先哲想利用它來預知未來，却是一種謬誤。
就在數個世代之前，沒有一位科學家相信太陽黑子的活動，曾在東南亞曾產生一次蝗蟲入侵的大災禍，要認為太陽黑子和地球昆蟲之間有某種關連，那實在是學術派人士無法理解的事，然而，數個世代來的觀察，確信昆蟲為禍與太陽黑子活動，是真有其事。現在，在蝗蟲到達之前，已採取了適當的行動。
許多科學家開始對太空中的力會影響到地球現象，發生了注意力。柯里斯在『宇宙的奧秘』書中提到：「奇怪的事仍然發生，太陽黑子最多之時，常伴隨法國和蘇俄革命、二次大戰、以及韓國對峙，如果占星術只是有略靈驗而已，那麼要做的事就在用科學術語來解釋這個事實，並拋開所有不實的部份。」
蘇俄天文學家羅曼朱克說，占星術中的方陣和交連都有科學依據，他說太陽、木星和土星的相關位置，決定著太陽黑子的活動，他自己也繪了一個星象表。
在蘇俄科學雜誌『天文』（1967年12月號）上，干那斯寫道：「在古代，占星家企圖利用行星的位置，來預測未來，誰知道，這也許不是如此的荒唐可笑，如果行星的相對位置會影響太陽，那麼天文星表就會變成太陽物理學的資料，甚至成為未來氣侯預測的資料。」
蘇俄天文學家到歐諾夫和朱比狄夫寫道：「在太陽焰高張的第二天，車禍次數增加四倍。」他們也敍述在太陽爆炸時，自殺事件比平常增加了四至五倍。
這些科學資料的引證，證實了太陽和行星與地球上發生事件之間的關係。占星術是建立在一些非常的假設之上，認為星辰影響我們的生活，很顯然地，某些占星家的信仰是有著科學基礎！
當哈雷批評牛頓，將占星術看成一種科學，牛頓回答：「我曾研究過它，先生，你却不曾研究過。 」如果占星術的預兆能力被忽略了，有件事就會變得相當明顯 ––– 古代先哲有著清晰的星辰會放射輻射線的觀念，這個觀念在科學上顯得孤獨無依。
