其實成幅都係堂上畫，啱啱衹係加咗幾隻飛鳥，好似對呢幅畫冇咗感覺咁，因為隔得耐？定係個心未返嚟？😛去完旅行又適逢聖誕，真係集中唔到。
n件事等住做，幅畫最容易，close咗呢個case先。
本來張圖片好灰暗，老師改咗用紫同綠，老師示範咁多次，每次都會加小小變化，就算一張好 dull嘅圖都會畫到好豐富，對我嚟講都係一種啟發。
遠處嘅水用紫、藍、啡，近處用紫、…塑．膠．綠！點解呢排堂堂都用？...hmmph…我又係用自己嘅黃藍綠溝出嚟，都幾好吖，我係唔係練成咗喇？
老師特別指出，船面要比水面深色；
本來我見個碼頭咁大又唔靚，以為會縮細或者唔畫，點知老師話個碼頭係重點，
咁我又諗住唔畫d繩，點知老師話d繩先係趣味所在！😂
水平線一貫地唔夠平；
遠近水面交接得唔好，深色咗，筆觸凌亂，好似有風浪咁；
遠處用乾筆擦白，表達水面嘅反光，但個天明明有紫色霧氣，何來咁多反光呢？呢堆反光喺老師幅畫好自然，睇自己就覺得莫名其妙；
老師話我唔夠水氣，近處應該大筆d，唔好咁多細碎嘅擦白；
我自己就覺得船同水接合位唔夠暗；
而同學一睇就指出，我隻船條繩唔記得綁上條柱度....😄
沒有留言:
發佈留言