呢種龍船花同之前畫過嗰種又唔同，花瓣圓圓哋，佢最後會生到成個繡球花咁，遲 d再去睇吓佢。
今次用水溶木顏色起稿，唔使就住就住，可以起個實在 d嘅稿。
起稿真係好重要，我見多數畫家都有個好仔細嘅稿。
雖然認真起咗稿，但花瓣都係上色上到好岩巉。
成幅畫都係冇乜安排咁胡亂上色，顏色唔啱疊到啱，好彩係橙黃色系，疊多都唔覺。
後排 d花顏色太統一，但畫完先發覺，唔疊喇。
花同葉之間用咗好深色，感覺有層次咗，幅畫冇平時咁悶。
 |
| Schmincke Akademie on Saunders Waterford 190g hp 7.5"x5.5" |
我今日好突然咁發現，value重要過 colour，
因為呢幅畫畫咗一 part好深色，發現：『幾好咁喎』，然後諗起，素描得黑白都表現到咁多層次啦，即係話只要 value啱，幅畫就會生動。
（😂算係乜嘢發現？阿 sir成日都話明暗好重要，miss ho成日都話唔好追色😂）
（頓悟呀！係頓悟呀，自己發現會唔同 d架😁）
希望以後都記得啦，但其實我都唔知顏色深淺同明暗有冇分別，真係愈活愈回去。
前幾日見人玩填色冊，都覺得：『齋填色都好喎…』，
起稿都係造個畫冊畀自己填色啫😅（填色唔 creative囉，但跟相畫又有幾 creative？）
要自我傷害到幾時？ 內心矛盾到一個點。😣
沒有留言:
發佈留言