畫班 Jul 2021 – 3. 蓮花（木顏色）

失敗咗，都係變唔到做水彩班。我畀張水珠老師睇，問意見，佢話：『你有畫開水彩？以後有機會都可以教吓你。』言下之意，暫時唔想教水彩住。可能同期同學都未可以畫水彩住，老師有 schedule，咁我都無為自成一國咁自己玩。

課堂時間得個半鐘，基本上我喺堂上畫唔到幾多筆，每張畫都係喺屋企畫，去上堂好似為咗去上堂😂

Faber Castel Polychromos on sketch book

呢朵蓮花構圖同顏色都好簡單，冇乜嘢畫，好快畫完。最難都係花瓣嘅脈絡，要畫得流暢。

最重要係左邊花瓣嘅透光，同畀旁邊遮住嘅暗位，呢兩個位畫得自然就會似。

朵花畀我畫肥咗，顏色加上花瓣上嘅線，好似紫洋蔥。