三星期空檔老師去咗檳城，畫咗四十幾張寫生，po咗幾張喺facebook，畫得好靚。
瀑布要留白表示d水，所以一路都小心奕奕，畫多救唔番，但睇情形，好似上層留白太多，下層左邊留少咗，樹叢下面好似冇水流過咁。
老師教，上層要偏紫，下層可以啡多d，應該係comparatively多d，但我就真係多咗囉....，所以太暖，老師幫我喺右邊加藍色，堆樹叢都加咗色，比其他靚好多，尤其是對上嗰堆，一枝枝咁.....，控制唔到隻手....🙍前景嘅山石淡色，唔立體，要加番少少細節先得，其實成幅都要，唔算畫完。
水嘅顏色我滿意，但形態唔好，好似滿瀉、或者視覺好似好低咁，我諗係因為線條向上彎，試吓畫番平d 先。
要記住畫風景張紙要四邊貼膠紙，我唔鍾意畫到貼邊，但唔貼邊又畫到一忽忽，貼咗膠紙就好似晒相留白邊咁。雖然Miss Ho曾經點名話過我，『唔洗一定咁工整咁死板』，但喺我掌握到好藝術嘅開放式邊緣（我作嘅）之前，都係保持住工整先啦。
Instagram得三幾個like，可能係平淡咗，冇乜色彩變化。加咗幾筆，好咗小小.....
 |
| Shinhan on Saunders Waterford 190g rough 11"x15" |
.
沒有留言:
發佈留言