今次好留心咁睇老師示範，記住要用嘅顏色，同埋畫法。
老師亦好詳細講明用乜嘢色，最重要係佢提點咗我哋有乜嘢要注意，邊個位一定要畫到，邊d位唔需要太仔細，連落筆走向都講到。
雖然睇完示範就走咗，仲隔咗幾日先畫，但都仲記得好清楚。
唔知點解，雖然起咗稿，亦事前決定咗用邊幾種色，但畫嘅時候總係莫名咁忙亂起嚟，經常點咗其他色，搞到幅畫顏色奇奇怪怪咁，今次我用膠紙label住要用嗰幾種色，一點錯就知道（係呀，有label都係點錯），不過幸好呢幅畫構圖同用色簡單，如果唔係，要用嘅色太多亦一樣會錯.....，anyway，今次好work。忙亂好大原因係驚顏色乾咗，下一筆接唔番，聽講waterford係快乾，或者以後試吓其他牌子啦。
留白唔算好成功，但亦失敗唔晒，總算表現到反光，
雖然重疊咗唔少，但可能用色簡單，係厚厚咃，但都唔係好濁，算keep到水彩嘅清爽。
冇示範就係差d，顏色冇變化，實咗小小。
 |
| Shinhan on Saunders Waterford 190g rough 11"x15" |
沒有留言:
發佈留言