老師提供嘅圖片，d花係接近紫色，但佢示範就用咗粉紅色，我即時諗起我盒 shinhan，裡面有隻叫 opera嘅色，係好明亮嘅粉紅色，平時好少機會用到，畫呢幅應該好啱。正諗緊，老師就建議我哋用 opera，我諗得真係啱。但無奈，我帶咗 Cotman上堂，隻色啱用嘅時候又唔喺手邊，真係遺憾。
呢幅畫老師都畫得比平時耐，睇緊示範嘅時候，我忽然覺得唔想畫，覺得會好難畫，有少少想走，心諗，『咁冇 mood，不如放假先畫啦，又可以用隻啱嘅色。』
不過，終於都冇走，我都唔知點解，唔知點解想走，又唔知點解唔走，唉，愈嚟愈唔知自己想點。
well，老師先整濕張紙，花、葉、背景，全部先上一層，色乾咗再逐塊花瓣畫出嚟。
老師每次咁上底色都好有素描效果，明暗佈局已經出晒嚟，
而我呢，次次都好生硬，無論張紙整到幾濕，底色都上到好實，明暗亦分唔到，
雖然起咗稿，但鉛筆稿唔敢畫咁深色，濕咗已經冇咁清楚，上咗嘅色又會化開，更加亂晒籠，停筆對番張圖，又擔心拖得耐張紙乾咗，再上色會同之前嘅銜接唔到，總之畫到一團糟。不過我安慰自己，底色嚟啫，大概就可以喇，陣間畫番正就得，底色唔啱位仲 artistic啦。
我冇 opera，好彩有隻 permanent rose，不過老師畫暗位加嘅紫紅我就冇喇，我用咗 alizarin crimson。但後來老師話呢隻色帶啡，唔係好適合，唔怪得好似怪怪哋咁啦，所以我唔敢用得多，影響唔大，好彩。
鬱金香花瓣其實唔算難畫，但畫到花嘅頂部所有瓣只睇到尖尖嗰度，我就亂起嚟。前面嗰兩朵儘量畫，後面嘅索性 blur咗佢。
我畫得好慢，堂上連花都未畫晒，好幾位同學都已經畫完，我每畫一片花瓣都左諗右諗，唉。
今期上咗兩堂都仲好似唔識畫畫咁。
今期上咗兩堂都仲好似唔識畫畫咁。
blur咗頂端嘅 approach幾 work，但最右邊嗰朵唔記得咗，煞有介事咁畫，結果畸畸哋形😑，呢朵正面塊花瓣已經畫得好蠢，而家成朵都係敗筆。
d葉反覆重疊，都算畫到啦，但唔記得留番少少白，而家填密晒惑覺少少壓迫。
畫水彩，留白真係好緊要，但又好難。
d葉反覆重疊，都算畫到啦，但唔記得留番少少白，而家填密晒惑覺少少壓迫。
畫水彩，留白真係好緊要，但又好難。
 |
| Cotman on Saunders Waterford 190g rough 11" x 15" |
沒有留言:
發佈留言