畫畫 - 黃昏野狗群返家（水彩）

畫完南生圍，覺得對遠近層次掌握好咗，畫多幅練習吓。

原圖嘅雲彩色調暗d，線條平d柔和d，好安寧嘅氣氛，但我d雲彩畀我畫到好緊張。
我嘅線條太斜，顏色太鮮，尤其是黃色太明亮，其實我已經洗過，真係洗，貼咗喺牆上用花灑沖用畫筆洗😆，不過洗完又多手加咗小小色。

圖片來自國家地理雜誌，係一群野狗列隊而行，我覺得係番屋企，但諗深d可能係正要出去獵食，well.....
d狗冇想象中難畫，求其一筆做身，加幾條線做腳，
上一層色又印走少少，再上再印，漸漸會變得朦朧但有小小層次。

Cotman on Saunders Waterford 190g rough 7.5"x5.5"

我覺得我而家調綠色嘅 approach幾好，以一隻常用嘅綠做 base，依需要加黃或者藍嚟調節明暗同色調。不過，上一堂老師忽然話用『塑膠綠』嚟調色，雖然我冇跟佢，都係用咗自己唯一嘅綠，但萬一有一次係直接用呢隻塑膠綠，我驚調唔出。
by the way，我自己真係由細到大都叫呢隻綠做『塑膠綠』，但冇聽其他人講過，唔通原來人人都係咁叫嘅？

由遠到近係紫藍綠黃，原來係彩虹咁嘅排列啊！