太古文明之謎 - 五島勉 （翻譯：孫震聲）

喺書架揾到呢本冇ISBN嘅書，好可能係六、七十年代出版嘅，衹係賣 5蚊。
字體好細，紙質好差，印刷好差，過咗幾十年，成本書黃晒，或者本來就係咁都唔定。
我一邊睇，一邊打字保存，希望下次睇得舒服 d。

可能因為原本係日文，譯者又好忠於原文，有 d句子好累贅，好日文 feel；
用字同現代有 d唔同，好似而家好少人用嘅『衹』『越』『却』『裏』；
標點符號有唔常見嘅 – 分號 『；』，書裏面大量應用。

最特別就係譯者用咗『素質』呢個詞，
當我哋香港人用『質素』嘅時候，大陸人會用『素質』，但其實兩個詞係有分別，我覺得大陸人混淆咗。
『質素』係 quality，我覺得係後天嘅，經加工，一種結果；
『素質』係 nature，係先天嘅，本性、初心，原材料，冇加工。
我嘅表達唔係好貼切，但大致係咁啦，以後諗到，或者有人睇到指正，再修正啦。
而譯者嘅用法就好啱意思。

序
難以捉摸令人震驚的遺跡，在地球上到處都有發現。
譬如，南美『納斯卡的怪圖形』，是畫在秘魯的石山頂上二千多年前的古畫。正確的幾何圖形，就是現代人都未必畫得出來，還有許多奇怪的動物圖形等，都畫得非常大，必須在高空才能看出畫的是甚麼。
在秘魯的近隣厄瓜多爾，發現了像地下鐵路般複雜的地下都市的遺跡；就在附近，還聳立著六、七千年前的人造山，其中，隱藏著陰森的房屋。在中國的陜西省，也發現了比埃及金未塔還要高兩倍的墳墓。不衹是建築物，在伊拉克，掘出了二千三百年前的電池；在墨西哥，發現了衹能說是火箭的二千五百年前的雕刻；在古老的土耳其地圖上，竟然畫出了南極；印度的古籍中，出現了核子戰爭的記載。
由這些遺物，使人知道，在太古時代地球上或許與現在沒有甚麼兩樣，出現過比現在更進步的高度文明；但不知道是甚麼原因被毀滅了。在此以後，現代文明才又同樣地再重複了一次。
然而，是誰創造了這樣的太古文明呢？太古的人類，沒有獨自完成這種高度文明的能力；因而，紛紛議論。很多人認為，這是來自太空的外星人傳授的，真的是這樣嗎？如果真的如此，那麼，這些太空人是甚麼模樣？來自甚麼星球？他們為甚麼要跑到地球上來呢？
這本書，就是為了探究這些謎。我拋棄一切先入觀念，將事實與記錄一一列舉，這樣，也許就會自然而然地得到結論。
這一結論，與以往不同。在這一方面，瑞士的狄尼肯、美國的貝爾利玆等，許多優秀的學者、前輩們，曾加以研究；但，這本書的結論，也與他們的假設、推論不同。
這一結是論甚麼，祇好請各位耐心讀完這本書。不過，這與各位絕對不能說沒有關係，我在一年多以前，曾寫過『諾斯特拉達姆斯的大預言』（Nostradamus諾齊丹馬斯），在那本書裡，曾推斷人類的未來將是不比尋常的大悲劇。同樣的，鑑古知今，由許多遺物所顯示的遙遠的過去，也是不比尋常的大悲劇。

目錄 （點擊標題到相關文章）
第一章 二千五百年前的火箭 - 這一謎一般的文明來自何處？ 
01.   禁地 - 瑪雅叢林
02.   白日夢？！石棺上的雕像
03.   太空火箭的浮雕
04.   證據確鑿
05.   超出現代的文明
06.   四種不同的推論
07.   仍然疑雲重重

第二章   被埋沒的謎 - 各種不可解的遺跡與遺物
01.   撒哈拉大沙漠中塔西里的樂園
02.   推翻文明史的彩色壁畫
03.   六千年前穿著太空服的人像
04.   高度文明的陰影
05.   澳洲的神仙壁畫
06.   阿爾卑斯山中戴頭盔的雕像
07.   鍚爾克羅德的飛行怪物
08.  日本戴著遮光眼鏡的土偶
09.   伊斯特島的鳥人
10.   哥倫比亞的金飛機
11.   三千五百年前的飛彈
12.   烏茲別克的火箭壁畫
13.   還有一半證據不足

第三章   古化地球上還有誰？ - 人類不可能的遺跡
01.   金字塔上的陰影
02.  世界各地不可思議的石柱與石凳
03.   二千噸重的超巨石
04.   人類不可能的技術
05.   秘魯二萬噸重的大石
06.   不是已知人類能夠做到的
07.   推翻科學史的中國合金
08.   三千年前的白金首飾
09.   不鏽的鐵柱
10.   二千三百年前的電池
11.   聖經中也許有暗示
12.   神教導怎樣製造『約櫃』
13.   『約櫃』是蓄電器？
14.   全知全能的神為甚麼要求食物

第四章   來自宇宙的高度文明人 - 人類有這種遙遠的記憶
01.   以西結看到的『四輪活物』
02.   是狂人的幻想嗎？
03.   酷似登月小艇
04.   土耳其的古地圖
05.   紀元前四世紀就畫出了南極
06.   一萬公里高空所畫的地圖
07.   地球上最大的謎，納斯卡高原的怪圖形
08.   為甚麼必須由高才空看得清楚
09.   是宇宙人的滑行道嗎？
10.   三角鳥是飛行物體
11.   納斯卡人的神到底是誰？

第五章   他們是第五行星人 - 太陽系中有生命的星體
01.   沉沒的大陸與古詩
02.   太古時代發生過核子大戰嗎？
03.   大陸移動說
04.   大陸沉沒說疑問太多
05.   他們是來自其他星球嗎？
06.   隕石中的生命之源
07.   最大的可能 - 他們是第五行星人

第六章   人類流著第五行星人的血 - 繼承了地球外的文明
01.   創造天地的謎
02.   照神的形象造人
03.   第五行星人與人類相似
04.   第五行星人改造了人類
05.   人類文明進步之謎
06.   為甚麼大腦的『新皮質』急速發達
07.   他們借人類留下了後代
08.   我們身體裡流著第五行星人的血

第七章   現代文明使人類毀滅 - 第五行星人鑄下了大錯
01.   為甚麼衹選擇『挪亞方舟』
02.   『方舟』上是改造人與混血兒
03.   『要生養眾多遍滿了地』的真相
04.   耶穌是第五星人的直系
05.   眾星要從天上墜落
06.   令人心驚的第五行星群
07.   神的自私
08.   『神』的批判者
09.   他們害了人類
10.   不明飛行物的謎
11.   後記

inktober 2018 day 31 #slice

form 1學過 shale同 slate呢兩種岩石，詳情唔係好記得，但唔知點解名稱印象深刻。

今次為咗畫頁岩，search 吓先發現原來頁岩就係 shale，東坪洲就係由頁岩形成。

畫完再揾多 d頁岩資料先知道我畫嘅就係好著名嘅更樓石，睇清楚我畫得好唔似囉....，不過我覺得應該都睇得出係頁岩地形嘅。

今次我已經好自覺咁將線條畫直，但喺一次次加深色之間，又不自覺咁彎咗，唉，仲要畫完先發現。

除咗 d石彎晒，仲覺得太平淡，應該又係我畫到明暗唔明顯啦，但我唔想再畫更深色嚟補救，

而且個天空咁白好唔平衡，不過咁大範圍，用 marker畫一定失敗，於是決定再出動水彩。

加咗顏色幾靚，但石前面嗰兩個水氹係咪唔應該同個天一樣顏色呢？搞到堆石好似飛咗上天咁....，比畫彎咗d石影響更大，一定要改。

修暗咗兩個水氹，好咗，
但加咗對岸 d山，唔.......hmmph…

我諗，就算參考圖片嘅明暗唔明顯，都唔可以跟，一定要誇張 d。我成日都好 stupid，好 stubborn咁乜都跟足，效果非常 dull。

呢幅係 inktober 2018最後一幅，今年又順利完成，覺得好開心。

好幾幅我自己覺得畫得幾滿意嘅，結果冇乜人 like，相反，我準備好 0 like嘅，好似 star嗰幅，反而仲多人 like。

inktober 2018 day 30 #jolt

呢個 prompt我畫咗地震。

好似幾容易，好快畫好，可能我諗住反正係震到亂七八糟，唔使畫得咁拘謹，所以畫得好輕鬆。兩幢建築物後加咗邊線，因為我本來諗住用一個比較插畫式嘅畫法，

唔知邊度嘅問題，覺得條線好礙眼，可能係因為太直啦。

成幅畫我覺得堆瓦礫畫得最好。

inktober 2018 day 29 #double

double，諗過海邊山同樹嘅倒影，但又係 precious畫過，而且都好似唔係好貼切。

又諗過畫兩頭蛇，喺諗緊呢種生物是否真係存在嘅時候，唔知點發現咗重瓣花英文係 double flower，雖然都係有小小疑惑，覺得唔似，但 google過真係咁叫，於是決定畫花，簡單一大朵花，四四正正咁一瓣疊一瓣.....🤣

單睇立體都還可以，但畫唔到花瓣嘅紋理。

inktober 2018 day 28 #gift

大自然嘅 gift可以係美麗嘅景色，又可以係各種資源，景色喺 precious畫咗，唔想重覆，資源又難表達，後來諗到畫果實，樹上會生長出果實都係大自然畀我哋嘅禮物。

搵咗我好鍾意嘅橙花同橙，本來想加隻蜜蜂，因為我鍾意橙花蜜， 最後都係冇乜把握，費事破壞已經畫好嘅花。

不過其實都破壞咗，本來諗住唔畫背景，但咁右邊個橙會好似冇連繫咁，於是好粗糙咁畫咗幾筆，但係....hmph….我都唔識形容個情況，總之就係一塌糊塗咁啦。

右邊個橙畫深色咗，以為唔使咁光，冇留白，畫第二個試吓留白，效果真係好好多。我用白色木顏色加上去，白番小小，但始終唔夠白，唔係好似橙😞。

三塊葉好似三個唔同品種咁，愈睇愈怪，不過都畫得幾靚吖。

咁多問題......，nonono，我都係唔會重畫，再畫只會更差。

inktober 2018 day 27 #thunder

堅持到第27日，終於都出貓，用咗水彩。

我都唔知個 prompt係 thunder我畫閃電啱唔啱，但我諗唔到其他可以畫喇。

用 marker畫天空一定畫唔到，所以用咗水彩，再用白色 gellyroll畫閃電。

都幾靚吖。

畫呢個 prompt出現第一幅失敗作，點解我會以為水彩底色唔使填滿呢？

呢幅畫好奇怪，影咗好多張相都偏黃，同幅畫紫藍色有冇關係？

終於我唯有用 scanner先 save到上面張圖，不過 scan出嚟好似太光，顏色變化冇原畫咁明顯。

inktober 2018 day 26 #stretch

畫唔出天鵝嘅感覺。

仲未算完成，起碼要加番隻眼，唔知點解參考圖片冇眼。

唔係好放膽用深色，驚表現唔到天鵝嘅潔白，不過記得 miss ho話要有深色先托到白色出嚟，點好呢.....

enhance 咗小小，

inktober 2018 day 25 #prickly

雞泡魚造型好可愛，不過一直唔想挑戰佢 d刺，今次決定畫吓。

我都已經畫咗個圓型 outline，但都唔知點解畫畫吓就跟唔番個圈，條魚變咗凹凹凸凸咁。

刺嘅方向都唔係好啱，不過總算似刺。

個嘴幾好，表情眼神都好夠 support佢漲起一身刺嘅情緒。😆

唔畫背景喇，由得佢好卡通咁浮喺空中啦。

inktober 2018 day 24 #chop

好耐都唔再食魚翅，事實亦都唔係好食，好味嘅只係個湯底，不過好多人鍾意佢有骨膠原，hmph….，其實都有好多嘢有骨膠原，but the most important point is，食人哋為咗補身，更多係為咗養顏，我覺得好不道德。

今次為咗畫畫搜尋割魚鰭嘅圖片，先知道呢個屠殺係幾咁大規模，割出嚟嘅魚鰭排到見唔到盡頭，亦驚嘆海洋裡面原來有咁多鯊魚，不過都應該好快會冇晒，因為見到好細嘅鯊魚都走唔甩被割咗魚鰭，唉，人類....

本來想畫無盡頭嘅曬魚鰭場面，但我覺得會睇唔出係魚鰭，所以畫咗一堆割咗出嚟嘅魚鰭，不過 deliver唔到嗰種震撼。用 zig加咗少少紅色顯示切口同強調血腥，不過乾咗好似淡色咗。

魚鰭好似好 plain，要揾多 d圖睇吓可以加乜嘢。

加深色咗，好似冇晒明暗咁添.....

inktober 2018 day 23 #muddy

我好唔鍾意 muddy，好污糟，grrrr……，而且可以畫乜呢？唔通畫一 pat泥？高手可以嘅，一 pat泥都以可畫出深度層次同色調光線變化😄

好彩揾到鍾意泡喺泥漿裡面嘅河馬，不過一路畫一路睇住 d泥漿都唔係咁 pleasant。

河馬形態都 ok，都有小小污糟感😬，但畫唔出泥漿嘅 thickness，原圖都似係稀稀嘅泥濘，但畫成黑白要多少少 details先表現到，唉，唔知點畫。

眉心嗰幾筆其實係想畫乾裂嘅泥漿，好明顯係失敗咗，而家似唐朝美女嘅花鈿😵

inktober 2018 day 22 #expensive

呢個 prompt諗咗好耐，一 d頭緒都冇，好艱辛咁先諗到象同犀牛因著可以賣得高價嘅象牙同犀角招致殺身之禍。但動物好難畫，難度僅次於人物，有生命嘅嘢都難畫。

形態難畫不在話下，皮膚 texture更難，而家畫到好光滑，似塑像多 d。我已經用碳筆加咗小小陰影，再用 marker畫上去，多咗小小 texture同強調咗暗位，但仍然唔似，hmph…

呢幾幅我都有用埋碳筆，發覺碳筆打底再加 marker嘅效果好好，碳粉畀 marker推開，多咗 d質感。有機會用碳精筆試吓有冇唔同效果，有一次喺畫展見有人用碳筆加水彩，d碳粉畀水推開效果好特別。

inktober 2018 day 21 #drain

今年我好依賴 google，每個 prompt都喺網上揾圖，揾 drain我諗住會出現農田同灌溉系統，點知出嘅全部係去水位，唔通我唔識呢個字？

去水位就啱晒，舊年去台北見到上山路上嘅去水位好靚，設計好好，重點係幾容易畫。

hmph…...d畫影咗相問題會比較容易睇到，畫嗰陣覺得 ok，而家睇相就發現畫唔啱個結構，要繼續畫至得。

張相嘅角度係從上向下影，睇相冇問題，但畀我畫出嚟就小小怪。

就修到咁啦，唔記得係 miss ho定蘇sir話：畫係畫唔完嘅，修極都可以繼續修。

意思唔係叫我哋不斷精益求精，而係要記住『過猶不及』。（自己懶都搬老師出嚟😆）

inktober 2018 day 20 #breakable

今年揀咗大自然做主題，加上個 prompt嘅關係，畫畫吓有少少環保人士 feel。

breakable令我諗起一大塊冰川冧落嚟嘅場境，真係連 heart都 breakable啊....

冧落嚟嗰塊個 perspective同層次唔係幾自然，不過其餘部分都算幾似，使唔使畫埋個天呢？定係當個冰川 fade out入天空呢？

修過都唔係好得，不過就咁啦

inktober 2018 day 19 #scorched

好難畫，諗唔到可以 scorch乜嘢，而且 scorched一般都黑鼆鼆，好難表現層次形狀。

大自然嘅 scorch唔係火山就係山火....😆😆😆，我揾到呢幅幾棵燒過嘅樹。

今年 inktober用咗好多墨水，前面地面反覆加咗好多層，雖然最後係深色，但都要先落淺色，逐層加上去，如果唔係深色會好實化唔開。

t0墨水用咗兩枝，枝筆加極墨水都一陣就乾。
其實而家都唔係好夠深色，不過畫到好悶，就咁算。

最後我用 t0捽一次，希望營造到燒過仲冒緊煙嘅樣，然而唔係好成功。

inktober 2018 day 18 #bottle

大自然裡面有乜嘢 bottle？

最先諗到壺口瀑布，但其實從來都唔明點睇到係壺口，

其次最接近都係 letter in bottle，google嘅時候竟然見到 bottle gourd呢個名，真係一言驚醒，何不畫葫蘆瓜呢？

葫蘆瓜係chinese bottle gourd，而bottle gourd係直身，好似節瓜青瓜咁。

我畫直線會圓圓哋，但畫球體又總畫唔好。葫蘆瓜係兩個球體，當然畫唔好啦。

本來參考圖中，因背光關係，每個瓜邊緣都有白光，但我冇畫背景，表現唔到。

前面最大嗰個嘅上部畫得太黑，冇晒光位，唔知點算，gel pen都救唔到，下面就係用咗 gel pen加條背光嘅邊，但好唔自然。

改咗少少暗位

inktober 2018 day 17 #swollen

關於 swollen嘅第一個念頭竟然係 form 1 bio，唔記得乜嘢嘅reproduction過程中有 swollen pores．哈哈。其他所有 swollen都唔係好事，google畀我嘅畫面都好不愉快。

唯有有少少勉強咁畫嗰種樹幹好大嘅樹啦，其實我覺得呢種唔算係 swollen囉，佢品種特性係咁嘛，不過網上揾 swollen tree，都會揾到佢哋，maybe係我對 swollen嘅理解唔透徹啦。

最初仲諗住好仔細咁畫埋樹葉，畫咗小小就醒悟到：咁要畫到幾時？

但細畫真係有層次好多，不過又可能畫畫吓失去耐性，畫到一團糟。

inktober 2018 day 16 #angular

本來個主題係食物嘅時候，打算畫三文治，後來改畫大自然，首先都係諗到食物，三角朱古力嘅真身，matterhorn。

今次畫座咁雄偉嘅山，我特別留意線條要直 d，好多地方都用 chisel tip畫，大刀闊斧 d，
向光面畫深色咗，而家背光要再加深 d至得，
前面排樹太整齊，要畫番參差少少。

有少少混亂，我都分唔到呢張相究竟改咗未....
唔知有冇 po錯相....，哈哈哈....是但啦。

inktober 2018 day 15 #weak

而家自然界最 weak可能係 polar bears。

呢隻北極熊唔係喺冰天雪地，佢喺一片亂石中遊走，揾唔到食物。

d石要再畫深色 d，唔好令人以為係冰。
背景石塊係唔係都要清晰番少少呢？

我畫得唔夠瘦，都話我畫畫會有自然肥架啦。

都係唔夠 weak....

inktober 2018 day 13 #guarded

guarded，諗到英國御林軍，同埋唔知點解諗到 stonehenge，跟住就諗到 easter island嘅石像，佢哋都可以算係守護住呢個島啩....，雖然話係期待會更貼切，唔理喇，說服到自己就得啦。

畫完兩個石像，擺低睇睇，我自己都『嘩』咗一吓，咁立體嘅？

我而家畫背景都比較簡約，因為懶啦，又擔心畫壞糟蹋咗畫得唔錯嘅主體啦，而且一幅畫唔可以度度都咁細緻架嘛，突出唔到個主體架。😃

個天，如果有 blender就好喇，不過而家都好有感覺吖，係咪？

inktober 2018 day 12 #whale

揾嚟揾去都係畫番之前畫過嗰幅圖，因為線條同明暗都分明。

影咗相睇 d水花都幾似，不過要喺魚身點番 d白色，表現水花四濺。

鯨魚背上嘅光位幾自然，不過少少怪，成個魚身冇其他地方反到光，好似唔合理...，或者背鰭嘅邊都要少少反光至啱。

天上面嘅唔係大鳥，係想畫雲.......

畫完發現鯨魚身上都應該有小小濺起嘅水花，又係喺 office用塗改液。

inktober 2018 day 11 #cruel

人類對大自然殘忍嘅舉動好多，但我嘅畫功表達唔嚟。

本來想畫捕殺鯨魚，但下一個 prompt係 whale，唔想重複，所以畫咗砍伐樹木。

效果都唔知算柔和定朦朧，有小小晨光熹微嘅感覺。似乎應該加深色 d，但我唔想再畫喇，驚會愈加愈唔似樣。

個伐木工人姿勢有小小勉強，位置都好似唔係好啱。

樹上有個鳥巢，有隻等緊媽媽返嚟嘅小鳥，佢個兄弟已經被震跌咗落地上，但畫得太細，我諗好難睇到，尤其是 ig仲細，我特登加咗黃色，希望有人留意到啦。

inktober 2018 day 10 #flowing

flowing，好直接諗到河流，但揾到嘅河流圖片都好難畫得好，後來諗起瀑布都可以 flow，呢幅圖有好有層次嘅石，好好畫。

唉，點解我今次 inktober幅幅都要跟圖片畫咁冇創意嘅？舊年我每一張都係自創架，係唔係因為 d畫都偏向 surreal呢？而今年用 nature做主題，冇圖片參考唔能夠憑空畫出大自然嘅事物，同埋畫風係比較寫實，唔同舊年比較似插畫，冇乜立體明暗。

d石都幾好，算表現到層次。

瀑布都畫到水流，但表現唔到瀑布衝起嘅水花，唔知點畫。有白色 gel pen幫助好大，可以畫完加上去，唔似水彩要留白。

背景本來係一片樹，但我唔想花時間畫，而且我實會畫到好實，仲會將焦點分散，所以決定好抽象咁畫一堆好淺色代表樹幹，但係而家睇番，唔知會唔會令人以為係個瀑布嘅上游。

臨時想加幾點水花喺旁邊石上，但冇帶筆，用咗塗改液點咗幾點。加咗有動感好多，應該加多 d。

inktober 2018 day 14 #clock

呢個沙灘上嘅 sundial都係喺網上揾番嚟嘅靈感，構圖就係自己嘅，不過咁簡單嘅構圖...

pebbles都幾好，不枉我逐粒畫逐層上色，光位應該啱啩，近嗰圈要加深地面勾番 d石嘅光位出嚟，

我冇忘記畫石塊嘅陰影，仲喺疏嘅石塊中間加咗幾線光，不過好似唔係好夠白，要再加光 d。

樹幹向光位範圍可以大 d。

遠處海浪都幾似，近嘅好似實咗少少，浪上面兩條直線究竟有冇幫助？係加咗動態，定係破壞呢？係唔係應該橫畫，表現海浪一波波打上岸？

沙灘唔係好似沙灘，雖然真係有咁平整嘅沙灘，但少少心虛。

.
加咗幾線光，但好似唔係好自然咁，
海浪都嘗試畫鬆 d，亦唔係好覺有效果。